Zico, Sassuolo e le mediocritât di cheste Udinese

Mai come in cheste domenie di fieste par Friûl si è sintude le mancjanze dal Zico campion e dal Zico zujadôr. In tal viodilu lì, a bordo campo, su chel terèn che lu à viodût protagonist in Italie, le memorie dai suportêrs furlans, chei plui vecjos, si capìs, jè cun buine probabilitât lade a chei doi campionâs di trente ains fa dulà che le Udinese podeve fa invidie a le Italie e a dût il mond par un numâr dîs considerât un dai plui braos de storie. E ancje par un moment son tornadis a vivi in tai ricuârs dai furlans zuadis che de bandis dal Friûl son deventadis une raritât. Punizions, passagjos che pasin tra un grum di omps par meti le proprie ponte denant dal portîr aversari. 

E investe, trente ains dopo, al spetacûl che di qualchi an in ca al fâs vignì mâl di panse ai simpri mancul suportêrs che iemplin al stadio, l’è di une mediocritât tecniche general, confermade de dolorose sconfite cuintri al Sassuolo di Eusebio di Francesco propite denant dai voi dal campion brasilian. Le squadre di Delneri à fât masse pôc par podè pensâ di vinci le partide. Un goal su un tîr de domenie di Fofana e qualchi altre situazion pericolose, soredût in tal prin quart di ore dai doi timps, no son vonde. I omps di Delneri vevin di dimostrà che ce che podin meti in campo l’è plui de scialbe prestazion di Firenze: ce che an fât viodi jè stade une squadre che fât al prin goal à plan plan lassât al campo al Sassuolo, par rivà a čhapà doi goi in tal second timp e fasi pasà in clasifiche propite de squadre di Reggio Emilia.

Le diference tra lis dos squadris le à fate le organizazion e ancje le prestazion di ducj i zujadôrs. Se a le vitorie an dât le lôr man ducj i omps che di Francesco a l’à clamât in cause, di che altre bande bisugne dì che qualchi zujadôr in campo si è viodût pôc o nuje. Al goal di Fofana a l’è le rapresentazion di une Udinese che sâ regalâ ilusions, cun t’une zujade nassude sul rinvio sbaliât di Consigli. Dopo, a ecezion dal cross di De Paul par Thereau e di qualchi situazion di confusion in te aree aversarie sul final di partide, Consigli l’è restât inoperôs. 

Le difese de Udinese à vût investe a ce fà par cori daur ai movimens de ordenade squadre aversarie. Al Sassuolo nol butave mai vie al balòn, al cirive di zujà bale par tiere e al portave un grum di omps in te metât di campo de Udinese. Le pontis, a diference di ce che al sucedeve in cjase Udinese, no erin lassadis di bessolis. L’inseriment di Defrel in te seconde metât di partide l’à dât talento e imprevedibilitât a lis azions de squadre; l’è stât al zujadôr francês a regalà i tre pons cun doi goi; sul prin grasie a une durmide di Hallfredsson, al second su t’une biele invenzion de distance. 

Fâs pensà par cuintri le prevedibilitât de Udinese e le incapacitât di produsi ocasions veris par segnà. Si tire pôc e si tire mâl; terzins che zuin masse in bas, e un centrocampo in grande dificultât. Denant Zapata par vedi dismenteât come segnà e come iudà le squadre; Thereau investe al continue cun prestazions dulà che mancje ogni sorte di voe e intensitât. L’Udinese và a doi a l’ore, e zujant a chestis velocitâs al sarà dificil vinci ancje cul Crotone. Uniche menzion positive? Rodrigo De Paul: specie in te fase finâl de partide l’è stât l’unic a cirî une zujade, a fassi dà al balon par provà a recuperà le partide. Personalitât, cheste De Paul le à fate viodi, e denant di Zico, cun chel numar su le schene, no l’è pôc. Mancul Thereau, plui de Paul, cun le sperance che al argentin sedi finalmenti spostât di che fasse diestre dulà che l’è stât metût di masse timp, par zujà in tal mieç dal campo, e tornâ a fâ viodi balon a une squadre, le Udinese, che al somee lu vedi dismenteât.