Un mês, cinc partidis, un De Paul in plui

Un mês e cinc partidis, une plui dificile di che altre. Chest l’è al Fevrâr che l’Udinese di Gigi Delneri viôt slungjasi denant dai voi. Un mês lung, che al metarà a dure prove lis energis e lis risorsis fisichis ma ancje psicologichis di une squadre che cuintri al Milan à cjatât i prin tre pons dal gnûv an. Sarà impuartant viodi come che di domenie in domenie l’undîs metüt in campo da l’alenadôr furlan savarà adatasi ai diferens aversaris che contindaràn a Thereau and Co. i tre pons. L’Udinese à mostrât di jessi veramenti pericolose quanc che si à di zujà di rimese e brave a sfrutà i spazios lassâs da ches squadris che preferisin movi simpri al balon par tignî par une vore di timp al posès. 

Lis squadris cuintri cui si misurarà le fuarce de formazion furlane son lis stesis che in te prime part dal campionât no an lassât un pont a une Udinese che in che volte ere sot de guide di Iachini. Al Chievo di Maran al ven de vitorie cun le Lazio e puès gjoldisi une posizion di clasifiche serene cun 28 pons, al stès numar di pons dai furlans: jè le squadre plui cun le etât medie plui alte de Serie A e cun t’un zûc no esaltant ma che stà partant risultâs. Le intensitât e le zoventût dai zujadôrs di Delneri varàn di fâ le diference al Bentegodi.

Dopo dal Chievo al sarà al turno de Fiorentina, une formazion in riprese, che in tes ultimis partidis no cognôs le peraule sconfite. Sarà une partide dificile, ancje parce che ogni piçul erôr daur sarà decisiv e dulà che ducj no podaràn pierdi le concentrazion par partà in Friûl qualchi bon pontût. Friûl che dopo une stemane al fasarà al tifo pe vitorie cuintri un Sassuolo che di qualchi mês in ca l’è simpri in dificultât e nol rive a cjatà continuitât di risultâs. In che domenie no si podarà accetà nuje altri che i tre pons.

Metût in archivio al Sassuolo le squadre scomençarà a pensâ a le trasfiarte problematiche da l’Olimpico. Sarà le Lazio a spietà le formazion furlane in t’une partide dulà che i netris difensôrs varàn di impegnasi par no pati le grande velocitât de pontis di Simone Inzaghi. Immobile e Felipe Anderson son dome doi dai zujadôrs di une Lazio estremamenti organizade, a cui si scugnarà rispuindi cun une organizazion pari e une voe plui grande. Par concludi cheste cjadene di partidis in bielece, tocjarà a le Juve passà de bandis di Udin. No coventin masse peraulis par presentà une partide che fasarà ’sold out’ al stadio Friuli.

Le miôr sperance cun cui i suportêrs furlans podaràn seguì lis prestazions de squadre l’è al rendiment da l’attac, che cul Milan l’è tornât a funzionà. Thereau, Zapata e De Paul son tre zujadôr che si completin e che podin dà a lis manovris de squadre fantasie e imprevebilitât. Se Zapata al continue a creà ocasion ma no a segnà cun costance, De Paul l’à regalât le vitorie di domenie cun t’une conclusion che met in mostre le sô tecniche parsore de medie, cun l’augûr che cheste segnadure sedi dome le prime di une lungje serie.