Perica, "sesto uomo" di cheste Udinese

In te zornade dulà che si è tocjade une quantitât record di goi segnâs, a Udin, in te partide tra dos squadris che no an di domandà plui nuje al campioonât, al spetacul e lis ocasions no son mancjadis. L’Udinese cirive chei pons e che prestazion che tant fasin ben denant dai soi suportêrs; al Cagliari, doi pons daur de squadre furlane, l’è stat protagonist di un bon campionât, se si pense che le squadre rivave de serie B. 

Delneri l’à metût in campo le sô formazion tipo, un 4-3-3 dulà che al puès gambià qualchi omp, ma dulà che le zujadis e i movimens son oramai acquisîs. In difese si è tornât a viodi Angella, italian tra dîs zujadôrs stranîrs. A centrocampo e denant i titolârs vevin al compit di sbusà le difese de squadre aversarie. Lis dos squadris masanin zûc, i tîrs e al divertiment no mancjn: Thereau, no in zornade, al sbalie un rigôr, e sul tap-in Hallfredsson al rive a fa ancjemò piês, sparant al balon in curve di une distance no trascurabile. Ma le impresion jè che le partide vedi ancje altri di regalà.

In tal second timp un Thereau sot di tono al lasse spazi al zovin Perica. Le ponte balcaniche met subite in clâr lis robis, come a mostrà al sô alenadôr che al sbalie quanc che lu lasse fûr dai titolârs. Le partide i tre pons son dût merit sô. Si invente al goal dal 1-0, une conclusion bielisime di 25 metros che ientre propite sot de traviarse, dulà che al purtîr dal Cagliari nol puès rivà. Ma al zovin croat nol baste. Sô l’è l’assist che al regale le prime segnature dal campionât a Angella, e sô le conclusion che si stampe sul pal. Di Borriello, in tai ultims minûs de partide, al goal de squadre dal furlan Padoin.

Perica si è dimonstrât un zujadôr di valôr: in chei doi ains l’à fât plui di qualchi migliorament. L’à acquisît fuarce, consapevolece, l’à scomençât a segnà. In tal basket l’è un zujadôr che l’è clamât al “sesto uomo”; no l’è un titolâr ma nancje une semplice riserve. A l’è chel zujadôr che al podarès jessi un titolâr ma che l’alenadôr si ten in panchine parce che al sa che al puès, dopo ientrât, gambià le partide. Perica si puès clamà al sesto uomo di cheste Udinese. Simpri pront, simpri disponibil, quanc che a l’è ientrât l’à quasi simpri dât un bon contribût.

Le societât varà di resonà su ce fa di cheste zovine ponte: cun Zapata che al podarès partì, si puès pensà a un Perica titolâr, numar 9 in ta l’attac furlan? Le impresion jè che Stipe l’à di cressi ancjemò tecnicamenti e che al sô zûc vedi di alzasi di livèl. Al sarès però un erôr di no perdonà lassalu là vie in qualchi altri squadre: un jolly come lui no l’è par nuja facil di cjatà!