Le necessitât di partidis come che di Crotone

Dopo le sperimentazion de partide di domenie stade cuintri le zovine Atalanta, Delneri l'è tornât a gambià i soi omps: sot dal soreli de Calabrie spazi a Scuffet, in prove pe titolaritât dal prosim campionât; daur Widmer, Danilo, Felipe e Adnan. A centrocampo Kums cun Badu e Jankto a da qualitât e quantitât. Denant al tridente cun Zapata, Thereau e De Paul. Al prin timp l'è stât di dismenteà e al Crotone l'è rivât a meti le partide sul binari ch'al preferìs: segnà un goal, lassà al balon a l'aversari, sierasi ben in difese e tornà a partì in cuintripît. I numars son indicatifs: le Udinese à tignût plui al balòn, cun t'un 62% di posès ampiamenti fur de medie stagional. Par cuintri lis ocasions no son mancjadis par dutis dos les squadris, cun t'un len čhapât par bande. Le Udinese no jè rivade a segnà, e a le fin partide qualchi zujadôr al dave le impresiòn di no ve' voe nancje di provà a paregjale le partide, cul sol Perica che si dimenave denant par ricevi qualchi balon interesant. Chest al bilancio de trasfiarte di Crotone: une metât di gare come in tes ultimis pies partidis, un second timp cun qualchi lusôr ch'al vignive propite di chei zujadôrs subentrâs.

Ben vegnin partidis come ches di Crotone! E no pal risultât, no par une squadre, al Crotone, che cun merit sta cirint une salvece insperade. Ben vegnin partidis cussì par une sole motivazion: parce che fasin clarece su chei zujadôrs che mertin di jessi part di un progèt ambiziôs, un progèt seri, chel che al'à di tornà a jessi l'Udinese, dulà che si domande impegn, professionalitât, ambizion e sacrifici. E a dà plui di qualchi indicazion in cheste direzion son propite partidis cussì, di fin campionât, che magari no contin nuje pe clasifiche e dulà che al zujadôr al scugne čhatà motivazions plui grandis par fà ben. A Bologna, a Crotone le demarcazion tra chei che mertin le riconferme e chei che le sacre flame no le an jè stade evident. 

Kums l'à confermât, displâs dilu, che l'an in Serie A l'ere plui le ocasion par scuviergi le bielecis dal nestri paîs che le oportunitât par lassà al segno in tal nestri campionât: e sì che le qualitâs e son, ma magari in t'une squadre come le Udinese, cun t'une certe idee di zûc, no votade al control dal balòn, no an podût vignì fur.
Alì Adnan investe ches qualitâs no lis à e no si rive a capì come le Udinese vedì podût compralu, cun tancj zovins talians che son a tôr. Le sperance jè che Samir al restedi e che si cjoledi un bon sostitût. Le incognite plui grande però continue a jessi Thereau, che in cheste part final di campionât al sta fasint di dût par tirasi doncje le rabie dal public furlan. Cun lui e Zapata le societât fasarà clarece e in serenitât si decidarà ce fa, in tal ben de squadre. Si varà di ripensà al repart de pontis, cun le certeze di un De Paul che al puès cressi ancjemò tant e di un Perica che al sô contribût lu darà simpri.

Ben vegnin alore partidis come ches di Crotone; lis prestazions di qualchi zujadôr, in chestis partidis di metât di Mai, fasaràn sì che lis sceltis de societât par l'an a vignì saràn plui semplicis. No jè le Udinese che fasarà di mancul di qualchi zujadôr, ma al zujadôr ch'al mostrarà di no mertà une mae e une storie come che furlane. 
A le fin, a onôr de statichis, continue le medie di doi furlans in campo: se cun le Atalanta Petagna e Cristante vevin tignude alte le bandiere de nestre Patrie, cheste volte l'è stât al turno di Scuffet e di Crisetig.