50 pons: no son une utopie

Dopo l’impuartant pont di Torin a le Udinese conventave une prestazion e une vitorie cuintri al Genoa di Mandorlini, par čhatâ chei tre pons che in čhase mancjavin di masse timp. In t’un Friûl no masse plen, ma cun t’une buine temperadure scjaldade dal dolç soreli di chest inizi di Avrîl, si zuavin le vitorie dos squadris che vivin situazions une vore diferentis. Le Udinese à čhatât un sô equilibri cun Delneri dopo une prime part di campionât complicade sot de gestion Iachini. I risultâs e le continuitât in tes ultimis partidis dan resòn a l’alenadôr e ai soi zujadôrs, e fasin ben sperà pal timp a vignì. Al Genoa investe al passe un periodo di crisi che par no vedi une fin: l’inizi incredibil de squadre che ere di Juric veve fât gjoldi i suportêrs dal Grifone, ma i zujadôrs lassâs partì a Zenâr an fât colà le squadre in t’une serie di risultâs che son costâs le panchine al stès Juric. Pal moment, in t’un clima di contestazion dulà che le curve domande cence gîrs di peraulis le partence dal president Preziosi, Mandorlini no l’è rivât a dà le scosse iuste a une squadre che no à problemas di clasifiche, che jè rivade a Udin cun t’un 0-5 al Ferraris cuintri le Atalanta.

Le Udinese veve denant une formazion a cui sarès bastât pôc par inciopedasi in tai pinsîrs negativs: brav Delneri a meti in campo une squadre che à disputât un prin timp cence concedi nuje a l’aversari e che à realizât doi goi. Al prin veramenti bièl di De Paul, che al conferme al percors di crescite di dût un an. Al numar 10 al sta ientrânt simpri plui in tai schemas de squadre, e al podarès jessi ancjemò plui impuartant zujânt plui in tal mieç dal campo. Al second goal l’è stât une rêt da vêr bomber dal colombian Zapata, che à sierât le partide e rilassât le squadre in tal second timp. Un erôr di Rubinho a l’à fermât al risultât sul 3-0 regalant tre pons a le Udinese e une altre domenie di dismenteà al Genoa.

Di bon Delneri al puès tignì al prin timp e al risultât, tre goi fâs e nissun subît: al zûc a l’à i problemas di simpri ma par che no si vedi timp, voe e soluzions par pensà ad alc di diferent. Fâs plasè viodi Angella partà le bandiere taliane in t’une squadre taliane cun masse stranîrs; le prestazion di Evangelista, l’esordio da titolâr, no jè di butà vie. Denanat Thereau e De Paul son i doi che dan alc di plui a le squadre, ancje grasie a le azion di doi terzins, Widmer e Samir, che partide dopo partide cirin di iudà simpri plui le squadre in te manovris di attàc. Zapata, se si lasse in bande al goal, l’à sbaliât masse balons e l’ pôc funzional a un zûc strutturât. I pons de Udinese son cumò 40. Tre o quatri vitoris in te partidis che mancjn podaresin regalà un cert plasè al public furlan dopo le sventurade aventure da l’an passât. L’è masse domandà 50 pons?