"Meditate gente, meditate!"

"Meditate gente, meditate!". Chest al titul cun cui si varès le presunzione di introdusi qualchi breve considerazion sul campionât de Udinese, a qualchi zornade de fin de stagjon. I quatri gio di Bologna vevin fât rabià al public furlan, ancje parce che son rivâs in t'une partide dulà che le Udinese pareve no jessi lade in campo. Pocje voe, tancj erôrs: ma no jè le prime volte; dispès in tai ultims campionâs le Udinese à dât prove di mancjanze di maturitât e di che superificialitât che no puès che partà a figuris come ches di une stemane e plui fa. A Bologna nol veve funzionât nuje, e dopo qualchi biel risultât consecutiv jè rivade une sane e mertade sconfite. Protagonist in negativ son stâs Danilo e Thereau. Danilo, cjapitani o no, no l'è gnuv a prestazion disastrosis, ma bisgune dilu, chest an al sô rendiment l'è stât suficient e le sô profesionalitât no si puès meti in discusion.

Diferent al discors par Thereau: dopo une estât cun le borse simpri pronte par partì di Udin, e un inizi veramentri complicât cun Iachini, l'è tornât ai soi livei cun Delneri, regalant goi impuartants che an regalât a le Udinese une salve cun grand anticipo. Un difièt dal francès l'è che di no jessi costant: qualchi prestazion luminose, ma masse partidis passadis a cjaminà pal campo, cun le impresion di no vè voe di zujà o cori pe squadre: in chestis partidis le sô anarchie tattiche jè al livèl plui alt e no l'è par nuje facil tignilu in campo; Therau l'è prezios, ma se nol gire al met in dificultât dute une squadre. "Meditate gente, meditate.."

Magari Delneri nol varà pensât cussì prime di zujà cun l'Atalanta, ma cuintri Gasperini dentri i zovins, come a fa lis provis tecnichis par une ipotetiche Udinese dal prosin an: fûr Thereau e Badu, dentri Perica e Balic. Al risultât? Une partide vivace, biele, cun ocasions e un paregjo che al sta magari strèt a le Udinese. Le squadre à corèt, e à zuât cun voe e grinte. Lis confermis son rivadis da chei zujadôrs su cui si scugnarà puntà in tai mês a vignì: Jankto, Perica, De Paul e Balic. Al argentin l'è cressût esponenzialmenti, e al merte le riconferme; Perica al continue a fa viodi trope voe che al'à di sta a Udin e di provà a jessi protagonist cun cheste mae. Domenie, titolâr, l'à segnât e metût al solit impegno. Jankto al continue a monstrà al talento che le Udinese si è cjatade in tes mans e che no à di lassasi scjampà prime di qualchi an. Balic l'à mot i prins passus su le arbe dal Friuli: qualitâs e son, e al lavôr al iustarà i difiès de zoventût. "Meditate gente, meditate.."

Ultime note, stonade, su cui si varà veramentri di medità cun profonditât: le squadre di Bergamo meteve tra i titolârs doi furlans, Petagna e Cristante; di che altre bande no l'ere nancje un taliàn tra i prin undìs zujadôrs...

"Meditate gente, meditate!"