Une vitorie cul savôr de serenitât

Cheste volte mi plasarès partì da le fìn. O ai vût al plasê di podè scoltâ lis peraulis dai alenadôrs di Udinese e Pescara a le fin de partide dal Friûl. Plui rilasât Del Neri, mancul Oddo, che al’à al dificil compiti di tirà su une squadre al plui prest, prime di no finì masse in ju in t’une clasifiche che si scomenzarà a slungjâ. Doi alenadôrs cun ideis claris, che cun onestât e obietivitât an fât une analisi precise de partide che le Udinese à vinçût par 3-1, le prime di Del Neri denant dal public de sô tiere furlane. Se Oddo al cirive di fâ passà une serenitât e un contròl sfuarçât, cun le rabie di une squadre che continue a mostrà zûc cence tirà su pons, chel che veramentri mi à lassât maraveât ere le tranquilitât di Del Neri. Al à tabajât de partide cun l’ategiament di un che al sà ben ce che al’à di fâ, qual che al’è al potenzial de squadre e dai sôi zujadôrs, trôp che si è sbaliât e ce che si puès migliorà. Ma cence meti che presion, che ansie che si respirave in tal ambient de Udinese di masse timp: le serenitât di un che al’è tornât cjase e che al’à voe di divertisi a fâ al sô mistîr, cun serietât e professionalitât. E forsite al rivarà qualchi risultât.

Del Neri l’à metût in campo le squadre che à ben che figurât une stemane fa cuintri le Juventus. Le novitât plui atese le partence su le fasse destre di Widmer, tornât titolar dopo l’infortuni che lu veve tignût fûr par qualchi stemane. Masse i zujadôrs che Oddo investe nol veve a dispozion pe trasfiare di Udin, cun t’une panchine di dome sièt zujadôrs, cuintri i dodis de Udinese. Lis dos squadrìs an preferît lassà libar l’inizi de azion a l’aversari, cun t’un baricentro medio che al lassave al gîr bale ai difensôrs daur, cence lâ a cirî di recuperà al balon masse in alt sul campo. Le Udinese à afrontât le prime fase de partide cun atenzion e ordin. Solit gîr di bale scolastic daur in te difese cun Kums a dâ soluzions e superioritât numeriche in te costruzion, par cjatâ dopo le zuajde su Thereau, Zapata e De Paul e inseriments sui cross da lis fassis di Jankto e Fofana, zujadôrs di corse e fisicitât. Al Pescara di Oddo l’à imbastît al sô elegant possès di bale, che però scomenzade le partide l’ere un pôc masse imprecis. E proprite di un balon intercetât de Udinese in te proprie metât di campo l’è nassût al cuintri pît che al’à partât al rigôr da l’1-0. Zapata al’à prime lotât in tal mieç e viart su le fasse. Di lì al balon l’è rivât a De Paul che al’à viodût al moviment dal numar 9 a tajà le difese aversarie. Zapata l’è stât plui veloc dal sô marcadôr, che cun ingenuitât lu à ostacolât. Rigôr e trasformazion alla Panenka di Thereau. 

Dopo al rigôr le squadre di cjase à calât le buine intesitât fate viodi cun e cence bale, lassânt campo e balon ai omps di Oddo, che in tal prin timp àn creât l’unic ver pericul par Karnezis cun t’une azion dute bale par tiare, che à mandât in confusion le difese de Udinese, e procurât une traviarse a Caprari. Taticament le Udinese no a sfigurât. Thereau ere une ‘mina vagante’, cui soi movimens dentri campo tra lis lineis a cjoli al balòn. A centrocampo in te fase di impostazion plui di qualchi ovlte erin Kums e Fofana a sbasasi, cun Jankto che alzave le sô posizion centralmenti. Widmer al sburtave plui di Samir, che investe al’à fat une partide di atente difese dal spazi, anche in virtût dai movimens dai tre denant dal Pescara a no dà riferimens.

Al second timp si è viergût come che ere scomençade le partide. Udinese che provave a meti in dificultât al posès di Oddo, ma cun no masse fortune. Le squadre ospite rivave quasi simpri a cjatâ un centrocampist libar, e a partà le bale in te metât di campo furlane. Al Pescara al scugnive però spostà al balon su li fassis, parce che ere brave le Udinese a sierà spazios in tal mieç dal campo. Ancje se domenade in tal possès, cheste Udinese no à mai rischiât veramenti di cjapâ goal, cun t’un Karnezis che no l’à fât paradis di note. Le Udinese jè rivade su di une ripartence in tal spazi a entrà in aree cun t’un grum di oms, e sul tir in sigurece di Badu parât di Bizzarri, Thereau l’à mandât dentri pe seconde volte in te stesse partide. Nol sarà ancjemò al 100%, ma velu o no si sint. Del Neri l’à po’ gambiât un strac De Paul cun Badu, e Jankto cun le soliditât di Hallfredsson. Ancje Oddo si è zujât lis sostituzions, cun l’efiêt di dâ che vivacitât che à frutât al goal de bandiere di Aquilani. Brave jè stade le Udinese a tignì al campo, tant che al 90’, su un altri cuintri pît, Zapata l’à procurât un altri rigôr. 3-1 e partide sierade. 

Tre pons importans e prestazion che ancje se no jè stade ecezional, e fâs pensà a qualchi piçul ma costant pas in denant. Al Pescara no l’à mai dât le impresion di podè vincile le partide: e chest parce che le Udinese à dât le impresion di jessi plui solide. E à concedût al control dal balon, ma no à lassât occasions impuartantis cuintri Karnezis. Si è difindude, ma à cun tristerie metût a segno i goi che conventavin par vinci le partide. Segnai di sperance di Zapata e Thereau, e di un pôc dute le difese. Un pôc sot di tono De Paul, fât zujà in t’un ruolo no propite ideal par lui. Ben investe Fofana e Jankto, zovins che an partât qualitât e quantitât. Un segnâl che al parte sperance le corse in pressing sui difensôrs di Fofana al 90’: magari alc al sta veramenti gambiand. Le partide cuintri al Palermo nus darà un altre impuartante rispueste, in tal segno di che serenitât che forsite conventave a cheste squadre un pôc prime di cumò.