#UdineseBologna Si puès veramenti fâ fieste?

Un goal dal cjapitani a l’ultim minût, un goal da un dai zujadôrs plui criticâts a regalà le vitorie a l’Udinese in te partide in cui si fâs fieste pai 120 agns di storie de societât: une partide tirade, che se fòs finude in t’un paregjo no varès lassât sodisfazion soredut ai suportêrs furlans, che an iemplât al stadio di tifo, coreografis e voe di festegjà le storie dal club de proprie tiere. Si sa che in t’une storie, in t’une tragedie, lis emozions e la capacitât artistiche dal scritôr no ven de sole sucession di events o fats biei o mancul biei, ma dal l’intreccio, de modalitâs e dai timps cun cui i fats son metûs insieme. Ecco le reson par cui le vitorie di lunis à regalât une emozion uniche: parce che rivave in t’un moment in cui le squadre veve di monstrà di jessi altre rispièt a che di Cagliari, parce che si è concretizade a l’ultim minût di recupero, parche che si veve di onorà i 120 agns de Udinese e parce che al goal lu à fât propite Danilo; un mix esplosiv di fatôrs che an dât origin a une serade no tecnicamenti esaltant ma estremamenti emozionant.

Del Neri, de bande sô, l’è tornât a une formazion di ‘Iachiniana memoria’; denant di Karnezis le difese cun Widmer, Danilo e Felipe in tal mieç -come in tes primis partidis dal campionât- e Samir su le sinistre. A centrocampo confermât Kums, metronomo e omp di equilibri cun e cence bale. Fofana e Hallfredsson e formavin cul belga al trio di centrocampo; in attac spazi al tridente titolâr; De Paul e Thereau a sostegno da l’incursôr Zapata. Jè stade une partide tatticamenti semplice, ancje in virtût di un Bologna che l’à creât l’unic ver pericûl in tai minûs iniziai. Pal rest, se sei cjale a lis statichis, si podarès pensà che sedi stade le Udinese a menà le partide, a creà lis ocasions e mertà le vitorie. No l’è stât pero un domini costant e continuo, e in tal prin timp le intensitât no jè mai rivade al alzasi, al ritmo l’è simpri restât bàs. Lu dîs cence pentimi: l’è evident che al livèl di chestis squadris e dal campionât in general no l’à nuje a ce spartì cun le Serie A di qualchi an fa, e le partide di lunis, ma no dome che, l’è un indizi evident. 

Si diseve di une Udinese mai veramentri dominant, di ocasions estemporaneis plui che risultât di manovris preparadis cun t’un posès continuo. Deficit di personalitât? Omps no a le altece? No savarès dâ une rispueste, ma o sai dome che no si puès pensà di no migliorà, di no cirì altris soluzions. Al second timp l’è stât plui divertent. Perica denant l’à dât dinamicitât e l’è stât a l’omp con plui ocasions di goal. Se si fasès une special clasifiche cun i zujadôrs con plui goi mangjâs lui e Zapata saresin ai prins puest. Si cjatin a dì simpri lis stesis robis: par segnà un goal si scugne sbalià 4/5 goi, e a chei livei no si puès accetà. Fortune che a liberà le fieste dal Friûl l’à pensât capitan Danilo, prime al centro des polemichis cun le curve, dopo al centro de critichis pe condote in alenament, cumò salvatôr di une patrie, che de tifoserie furlane, che merte forsite alc di plui, dopo une corse di 100 metros che i fasarà giurà amôr eterno a le Udinese in tal dî dopo.

Tančh ingrediens si son leâs in te serade de fieste blanc e nere, ma le uniche certece jè che di une squadre ancjemò discontinue, che zue a straps, a improvis acelerazions, che no dà quasi mai le sigurece di podè controlà al campo dal prin a l’ultim minût. Le clasifiche jè plui che positive. Dîs pons daur di no al Pescara, le prime de zone retrocessionm une enormitât; chest tesaur nol varà di jessi butât vie, e par falu o viôt dome une soluzion: lavôr, lavôr e lavôr.