Un timp suficient e un second timp su cui lavorà e lavorà; no jè stade une de miôrs versions de Udinese di Delneri che lade in campo cuintri al Napoli di Sarri e no dome par risultât madurât a le fin dai 90 minûs, no dome pai erôrs tecnics, masse, che cuintri une squadre di prin livèl come al Napoli podin costà tant. Dal gnô puest in tes tribunis dal Friûl ai viodût, ma speri sedi stade dome une impresiòn personâl, qualchi zujadôr zujâ masse par sè, no meti che grinte e che voe par fà lâ in dificultât l’aversari, soredût denant. Le prestazion de pontis no puès jessi considerade suficient. Se erin stadis le pontis in tes ultimis partidis a dà chel alc in plui a le squadre, sabide, a ecezion di une sole azion casual di Zapata in tal prin timp, son stadis scanceladis de superioritât da l’ategiament dai difensôrs napoletans. 

Al prin timp l’è stât equilibrât; al Napoli no l’à praticamentri mai tirât in puarte, ancje par merit di une difese di cjase brave a no lassà masse spazios. Le Udinese à prodôt le uniche vere ocasion di un timp cence emozions: une penetrazion di Zapata che, saltâs di potence i difensôrs aversariis, l’à tirât drèt in muse a Reina di une posizion dulà che veve fà miôr. Di chest moment l’è po’ sparît de partide. Al Napoli l’à simpri vût al control dal balòn, ma ancje cun t’un grand posès di bale no l’è rivât a tirà viars le puarte di Karnezis. L’ere biel viodi cori al balon di une bande a che altre dal campo, mancul biel viodi i zujadôrs di cjase no rivà a sierà lis liniis e fasi meti in tal mieç dal torèl dal Napoli, jessi simpri dopo sul portatôr di bale. I moviments dai zujadôrs dal Napoli tra al centrocampo e le difese an metût in confusion chei de Udinese, ancje se i pericui par Karnezis no son rivâs in te prime metât de partide. 

Al second timp l’à investe viodût le partece lampo dal Napoli, che l’à metût in campo une grande intensitât, necessarie a meti su le strade iuste le partide, grasie a doi goi che son rivâs par vie di une Udinese ancjemò in tai spogliatoios. Al prìn l’à concludût une azion su le diestre, dulà che Allan, Hysai e Callejòn an sfrutât bielis triangolazions par manda in confusion i zujadôrs di cjase. Bale fuarte in tal mieç, tra al purtîr e i difensôrs, ducj fers, e Insigne che al sburte dentri le bale. Al second goal al nâs de stesse bande. Un altri balòn insidiôs di Hysai , Widmer nol sa ce fâ dal balòn e lu mêt perfêt denant de paurte par Insigne che cun facilitât al cjate al cjanton daur Karnezis..une grave ingenuitât che à segnât le partide. Dopo le traviarse di Insigne, che al varès segnât al tiêrç goal de so zornade, le timide reazion de Udinese, casual come al goal che l’è rivât. Corner e colp di testa di Perica in tal siet. Di lì le Udinese no jè mai rivade a creà pericui par Reina, e su chest del Neri al varà a ce pensà. 

Un segnâl che no mi è plasût l’è stât le reazion al prin goal dal Napoli; cjâv bàs, e nisun che si rabiedi, che al tiredi un sberlòn. Dome Karnezis l’à provât a scuoti i sôi, ma cence risultâs. Ancje in tal second timp al balòn l’ere in contròl dal Napoli; viodint le partide ai pensât che nancje zujant par doi dîs di file le Udinese varès segnât su azion, par vie de grande confusion e impalpabilitât in fase di attac. Nissun schema, nissun armonic moviment par lâ in tal spazio, e soredût un Thereau indisponent pe prestazion e pa l’ategiamènt metût in campo: cori di plui e tabajà di mancul; moviments casuai simpri fûr dal zûc, o masse in denant o masse in daur, mai in te posizion juste. Dribbling? Forsite nisun: lu varès gambiât a le fin dal prin timp. 

Mi son investe plasûs Perica e Kums. Al prin l’à segnât e l’à corût cun voe e tristerie. Al second l’à controlât al centrocampo, l’à tocjâs balòns e l’à corût di une bande a che altre. 

Pensi che le plui grande lezion de partide cul Napoli sedi stade che le Udinese no puès permetisi di zujà in mancul di 11 zujadôrs. Baste un o doi che no dàn dût, che no metin voe e impegno, par pierdi une partide. Par salvasi coventin undis bestis che corin e che zuin pe squadre: al covente zujà di squadre e sabide chest no l’è sucedût come che si spietavisi. Plui omps come Perica, plui voe e mancul primis feminis. Che le prestazion cul Napoli, incosistent pe ocasions creadis, sedi di lezion.

Sezione: Blanc & Neri / Data: Lun 21 novembre 2016 alle 14:00
Autore: Tommaso Nin
vedi letture