Udinese-Empoli: tre pons par une gnove sperance

Prime partide in cjase dal gnûv campionât e prins tre pons pe Udinese di Iachini. Tre pons a cui cjalâ cun positivitât par ce che l’aversari no l’ere facil. L’Empoli al rivave di un passât campionât di gran livel pez ambizions de societât. Une squadre che cun Giampaolo veve cjatât une salvece facile, cun t’un biel zûc e zujadôrs che in cheste estât an fât al salt di qualitât: pensi al zovin Zielinski o ancje a Paredes, che cumò son in fuarce a Napoli e Rome. Insome, une vitorie ere impuartante e le Udinese di domenie cun coragjo e un pocje di fortune à centrât al sô obietiv. Prime de partide un minût ducj in silenzio, in pins e cun rispiet cun il cûr a lis personis segnadis dal taramot. Une disgrazie che al Friûl al cognôss ancje masse ben. E no l’è mancjât l’abraç furlan e dal popul dal stadio Friuli.

Ma vignin a le partide: vie le difese a 3 che si ere abituâs a viodi in tai ultims timps, e difese che passe a 4, cun Widmer e Samir su lis fassis e le esperience di Danilo e Felipe in tal mieç a cirî, cun Karnezis daur di lôr, di tigni le puarte nete amancul par une partide. Centrocampo a 3, e De Paul e Evangelista daur di Zapata. Le squadre furlane sburte fin dall’inizi; e l’è proprite di un corner in tai prins minûs che une bale, metude in tal mieç di De Paul, rive sul pît di Felipe che cun t’un biel tir al cjate le puarte dall’Empoli: balon in te rêt e 1-0. Udinese che prove a zujâ in te metât di campo dall’Empoli. Ma son masse pocs i nestris zujadôrs che attachin le aree sui cross de fassis e le difese di Martusciello à vite facil. Le bale scomençe a girà cun plui velocitât e le squadre ospite si fâs viodi simpri plui de bandis di Karnezis. Saponara al domine in tal mieç e al cantrocampo de Udinese, dopo le prime fase ben zujade dal prin timp, al va in evident difilcultât. E proprite in chel moment de partide son rivâs i pies pericui par une difese, che di Iachini, che no veve rischiât nuje. Plui di volte l’è dome Karnezis che cun doi intervents straodinaris a tignî in partide le sô squadre.

Al second timp al partîs come che al’are finût al prin. Empoli in denant e Udinese che no cjate i spazis par fâ lâ su al balon. Al’è Gilardino a lâ dongje dal goal, su punizions metude in tal mieç. E di chest moment l’Empoli nol crearà plui pericui a le puarte di Karnezis. Le partide va in denant in perfet equilibri fin al moment in cui Perica, subentrât a un Zapata ancjemô no in forme, si met denant dal balon e al cjape un fal che al val le espulsion. Empoli in dîs e partide in discese pe Udinese, tant che il tal recupero su di un cuintri pît di De Paul e Perica al rive al 2-0 dal croât che al val i tre pons e le felicitât dai suporters furlans.

Spietand a centrocampo Kums, sarà une stemane plui serene dopo cheste vitorie no esaltante ma impuartante pal moral e pe mentalitât. Nancje un goal cjapât e cheste jè une biele notizie. Denant si puès e si scugne fâ di plui. Zapata iêr no l’è proprite entrât in te partide, masse di bessol e mai bon di fa le scelte juste. De Paul si è mot tant, tocjât balons su balons. Fofana al fât ben al sô lavor. Perica l’è entrât e dât vivacitât a le partide. Segnai positivs, ancje se Iachini al varà material su cui lavorà vie pe stemane.

Parce che se si salve le mentalitât di cheste squadre, che no a molât mai e tignût a le partide e al risultât, grandis son lis imprecisions quanc che si a di costruî e manovrâ le azion bale par tiare. Moviments che ancjemô no si viodin e pocje personalitât daur cul balon in tai pîs; mi spietavi al di plui di Samir e Widmer che varesìn podût sburtâ di plui par creâ balis impuartantis par segnâ: ma forsite, gambiât schema, Iachini l’à preferît plui atenzion in fase difensive, e chest l’è plui che comprensibil. In tal complès no une brute Udinese, che cun le voe e al cûr à cjatât le prime vitorie, ma le strade pe salvece jè lungje e dificile, e le squadre no varà mai di dismentealu, par fa tornâ a gjoldi che curve che seromai di masse timp jè puare di grandis vitoris.