Paiâ par ducj: al destìn di Iachini

Timp di rivoluzion. Pe seconde volte in qualhci mês. Mi risulte veramentri complicât dà un iudizi onest al lavor di Iachini. Cun dute le sinceritât e le ignorance che puès meti in campo, no sai fin a ce pont l'esonero di Iachini al puès jessi giustificaât cun motivazions dome tecnichis. Magari in t'un altri contesto, in t'un altri moment de storie de squadre furlane lis robis saresin ladis in t'un altri mût. Al mâl, le suferince, al brut zûc che à domenàt lis partidis in tai ultims ains l'à taiât ancjemò di plui il za pôc timp a disposizion di Iachini. Come se Iachini al vès paiât plui di sôs real colpis, come se, pene sintât su le panchine de Udinese, l'equilibri fos za precari in partince. Insome, no par cjatâ giustificazions, ma al clima par lavorà no l'è siguramentri dai miôrs in chel di Udin, e dopo le scelte di iêr de societât, le situazion no podarà lâ in miôr in pôc timp.

Sono une reson suficiente lis partidis cuintri Sassuolo e Lazio par mandà cjase un alenador che qualchi risultât lu veve ancje fat? Une vitorie cun Empoli, Milan e un biel paregjo cun le Fiorentine par che valedin mancul di qualchi sconfite, tignude in bande le partide cun le Lazio. Si son viodudis prestazion che à sveât une altre volte al ricuart di ches da l'annus horribilis 2015/2016, ma qualchi robute ancje biele, se si viôt cun onestât a le qualitât tecniche se squadre, no jè mancjade. No jè une difese di Iachini, forsite in partince no a l'alenador indicât par un cert tipo do progèt. Mi plasarès indagà le scelte de societât: une scelte cun daur une strategie- si spere- o dome le mosse de disperazion, come a tentà le fortune di une sostituzion in panchine cun le sperance che alc al sucededi? 

Lis colpis di Iachini si son dutis materializadis in te disgraziade partide cun le Lazio, di cui no si varès voe nancje di tabaià. Se cheste Udinese e à masse difiets, al merit di Simone Inzaghi l'è staât di rivà a tirju fur ducj in te stesse serade. Deficit di mentalitât, di motivazions, di zûc cuintri une squadre che no à pore di zuà alte, di tigni le bale e di lâ a segnà grasie a le velocitât di Anderson e Keita Balde. Sabide le Udinese à metût in place al piès di sè, cun t'une prestazion orribile denant, daur e in tal mieç; le dimostrazion che le Udinese 'che fu di Iachini' no pense come une squadre: ancjemò masse individualitâs cun le stesse maute: une squadre che no fàs viodi balòn, o che se lu fâs viodi qualchi volte, le ancjemò masse pôc. E alore a le partide cun le Lazio bisugne meti sul cont e sul cjâf dal puar Beppe Iachini le contestazion de curve, le indignazion di une citât. Coventarà un altri par drezà cheste squadre? Lu si spere ducj.

Jè però une robe che no puès condividi dal dût, di meti tra lis motivazions da l'esonero le mancjanze di zûc. Ce pansave le societât, cul cjoli Iachini, di viodi in campo al zûc dal Napoli o dal Barcellona? O speri lu si vedi scelt pal carisma, pe psicologie, pe leture de partide. Al fàs efiêt sintì lis polemichis sul zûc di un alenador che a Palermo al veve costruit une biele orchestre daur di Dybala e Vasquez, ma cence une poses strutturât e ordenât. L'impresion jè che par cheste volte Iachini sedi siguramentri un dai responsabil de situazion de Udinese, ma ancje un capro espiatorio. Qualchi cambiament in rose, rispièt a l'an pasât, l'è stât fât, ma no si puès spietasi subite une squadre che lote in te bande alte de clasifiche. Al Beppe de barete a l'à paiât par ducj. Bastarà un Del Neri par parà vie i bruts pinsîr e tornà a partà serenitât in tal ambient udinês? Le squadre gambiarà ategiament o continuarà a meti al cjâv sot dal savalon, spietant un altri alenador? 

Par intant, grasie Iachini, se no altri par ve une buine volte lassaât stà che difese a tre che tantis partidis nus à fât piardi l'an stât. Grasie Bepi, e mandi!