L'è Gigi Del Neri l'omp in plui di cheste Udinese!

Un pont che al dà continuitât al bon moment di forme de Udinese di Gigi Del Neri. Ma anche une ottime reazion in une partide che in tal pin tip, par attegiamanet e ideis, à lassât a desiderà. Un 4-3-2-1, chel di Del Neri, che al pontave  su le fantasie di De Paul e Thereau e su le fisicitât di Fofana e Zapata par meti in dificultât le difese dal Torìn, che si è confermade squadre di altri ambizions rispièt a le Udinese, come l’à ancje det Del Neri in tal post-partita, ma che à rischiât in tal second timp di vendi care le pièl sôt dai colps de zovine squadre furlane. Al pin tip l’è stât un assolo granata. I omps di Mihajlovic an vût simpri al control de partire e dal balon, rivant a saltà cence masse problemas al pressing par nuje ben organizât dai furlans. Al centrocampo dal Torin, dût italian, cun Valdifiori regist e Baselli e Benassi plui in denant, si è confermât di prin livèl. 

Ljajic cui sôi moviments l’à metût in crisi le organizazion difensive di Del Neri, soredût in tal prin timp; tant che al goal dal Torin, rivât plui o mancul dîs minûs dopo l’inizi de partide, l’è nassût su di une invenzion dal trio Ljajic-Belotti-Benassi. Al prin si è sbasât a cjoli le bale dai difensôrs, par dopo pontà cun convizion le difese furlane; l’à po’ cjatât sui 25 metros Belotti, che cun grande braure l’à metût al balon in profonditât par Benassi, sfrutand le buse in te difese di cjase. Denant di Karnezis al zovin dal Torin cun t’un precis tîr l’à regalât al prin goal de serade a le sô squadre. Di chel moment al Torin l’à continuât a sburtasi in denant, tant che se no fòs stât pal meracul di Karnezis su un altri moviment di Belotti in profonditât, saresin a contà un’altre partide. Le imagine de Udinese in tal prin timp jè dute in t’un tir dai 35 metros di Danilo, finût diretamentri in curve: confusion, nissune idee, pôc moviment cence bale e imprecisions; oltre a iniziativis dulà che Zapata e soredût Fofana cirivin di bessoi di rompi lis lineis dal Torin. 

Al merît di vè gambiât al destini de partide in tal second timp al và a Del Neri; subite dos sostituzions, cun De Paul e Kums che an lassât al puest ai plui in forme Perica e Hallfredsson. Un attegiament diferent, chel cun cui l’Udinese jè entrade in campo dopo l’interval. Un altre cativerie, un altre tristerie in tal cirî le bale, plui sostegno dai centrocampist, e un Widmer che l’à sburtât su le fasse con costance. Al goal l’è proprite rivât su di un cross dal numar 27, dulà che Thereau l’à cjatât le deviazion vincente. Cun le partide in paritât jè stade le Udinese le squadre plui pericolose. Squadris lungjis, spazios che si viergin. E proprite su di une bale in profonditât par Zapata al nassarà un corner. Sul biel cross di Jankto Wague al devie al balon che dopo vè colpît al pâl, al finîs cuintri Zapata che lu sburte in puarte par li 2-1, insperât fin qualchi minût prime. Pecjât che bastin cinc minûs a Ljajic par meti definitivamenti in equilibri le partide cun t’une conclusion di assolût valôr tecnic, ancje se Zapata cun t’un pôc di precision in plui varès podût a timp scjadût regalà i tre pons a le sô squadre.

Un biel paregjo, in t’une partide di gran spetacûl ed equilibri cun dos squadris che an zujât par vinci, cence pore e rischiânt pur di segnà. L’ere content Del Neri de reazion de squadre e dal gran biel second timp, de intensitât metude in campo. Unichis perplessitâs lis prestazions di de Paul e Kums, doi che vevin di gambià al pàs a le squadre, ma che stàn ancjemò cirînt a l’equilibri in t’un campionât dificil come le Serie A. Le note plui biele de serade al gnûv rapuart cul public furlan: stadio quasi plèn, tante int, tant tifo e calôr a sburtà le squadre a le imprese; une atmosfere che no si respirave a Udin di masse timp, ma che un pôc a le volte stà tornânt grasie ancje al lavôr di Gigi Del Neri. L’omp in plui di cheste squadre, in chest moment, l’è proprite lui.