Finalmenti une squadre, o alc che i someedi!

Probabilmentri jè stade une fortune zujà le prime partide su le panchine de Udinese cuintri le Juventus; chest si podarès interpretà come al Del Neri pensiero in tai dîs pasâs a preparà le sô gnove squadre pe delicade trasfiarte di Turin. Lis aspettativis no erin che di un ipotetic scuintri dirèt pe salvece, come che investe al sarà domenie prossime, quanc che a Udin sarà al Pescara di Oddo a cirì chei pons che coventin come il pan par scalà le clasifiche. No si scugnive partà vie pons, ma le prestazion e le reazion di dute le squadre sarès stade l’oget fondamental da lis analisis e dai iudizis de int e dai gjornalists. 

Al match cuintri Dybala and CO l’ere une impuartante prove par viodi al stât di salût di une squadre che, pasade le soste pe partidis de nazional, veve di cjatâ equilibri, mental e psicologic soredût, dopo l’esonero di Iachini e le clamade di Del Neri. Su le cjarte no podeve jessi confront tra lis dos formazions; lis individualitâs di Juventus e Udinese no podin jessi paragonadis, tant che al risultât final de partide l’è stât propite decidût di zujadis di singui zujadôrs e no, l’è il câs de Juve, da une straordenarie prestazion di squadre. Mi par alore iust spostà lis attenzions a le prestazion de squadre, che cence dubios di sorte jè stade plui apprezabil di che juventine, sì che o disarès che le partide le à vinzude le Juventus e no Allegri, e che sì le Udinese à lassât al Juventus Stadium cun t’une sconfite, ma Del Neri e le squadre no podin considerasi moralmentri perdèns. Reson par cui mi preocuparès di plui se fòs l’alenador de Juventus, plui che chel de Udinese, cence però montasi al cjâv, parce che tant l’è ancjemò di fâ, come che iustamenti l’à sottolineât al Gigi di Aquilee in te tarde serade di sabide, finude le partide.

Si podarès riassumi le partide di sabide cun t’un slogan che al sunarès plui o mancul cussì: “Finalmenti une squadre, o alc che i someedi!”. Parce che, cjalânt le partide su di une pay Tv renomade, cun t’une telecronache plui che discutibil, le impresiòn che vevi vie che le partide lave in denant, ere che le Udinese viodude sabide si stave compuartand come une squadre; cirive di movisi come une squadre, compate e ordenade, cun t’une idee di ce partide lâ a fâ rispièt a l’aversari che si à denant. Le organizazion, ma soredût le idee di partide che si a voe di fâ, jè le robe plui impuartant par une squadre des ambizions di che furlane. No podin lontamenti pensà a une Udinese cul pilota automatico: a une Udinese come che di Guidolin cun Di Natale, Sanchez, Inler, Benatia, dulà che i omps in campo e rivin, par lor talento, a meti naturalmenti in dificultât qualsiasi tipo di aversari. No podin pretindi al pilota automatico parce che i zujadôrs no son a cheste altece. E an di vê un alenador che i disedi esatamenti ce fâ, quanc falu e cuintri cui falu. Le Udinese n.1 di Del Neri veve une idee e le à partade in denant, le Juventus no (e cheste jè un altre biele storie, ma no l’è chest al lûc par contale).

Pocjis ideis ma ben preparadis: un prin gîr di bale daur, cun Kums a dâ une man e a costrui triangui par fâ lâ fur al balon; verticalitât par Zapata cun t’une vore di altris zujadôrs a cirî di lâ in profonditât e jemplà le aree aversarie. Al goal di Jankto l’è un biel segnal da l’ategiament di une squadre che a savût profità di un erôr aversari e lâ a segnâ grasie a un Buffon no cence colpis. Al prin de Udinese l’è stât aprezabil, tant che une Juve cussì mal metude varès podût segnà dome cun t’une invenzion di un campion come Dybala su punizion. In tal second timp le Udinese, forsite plui strache, e à lassât un pôc di plui al campo a une Juventus che dome grasie ad Alex Sandro, Cuadrado e Dybala jè rivade a meti in pinsîr Karnezis. Al goal de vitorie juventine l’è rivât su di une ingenuitât di De Paul, che al varès di cjatâ plui continuitât di prestazions. Le Udinese varès comunque podût segnà in dos ocasions, grasie a une biele vivacitât là denant par vie di Thereau, finalmenti recuperât, e dal simpri pront Perica, che al continue le sô parabole di migliorament. 

Segnai su cui ben sperà e son: une squadre che zue come tale, un Fofana di personalitât, al stès Thereau, qualchi tôc fondamental ancjemò ai box par infortuni. Ingredients e son, sperìn in te ricete vincent dal chef Del Neri.