Concretece, atenzion e un De Paul in plui: cheste le ricete de nestre salvece

Une Udinese che puès jessi contente a metât: une tace che jo o definarès miege plene, o forsite alc di plui. Le serade varès podût finî ancjemô plui in fieste cun t’un pocje di atenzion in plui, specialmenti a livel individual. Se le prestazion de squadre in tal complès jè stade plui che buine, al risultât l’è stât fî dai erôrs dai singui zujadôrs in qualchi moment delicât di une partide che Iachini, bisugne dilu, l’à preparât ben, cun atenzion e une strategie ordenade asimilade dai chei undîs che son lâs in campo da l’inizi. Le Udinese à dât le impresiòn fin dai prins lamps di partide di jessi plui in serade de squadre di Sousa, che rivave sì di une vitorie impuartante cuintri le Rome, ma che no jè ancjemô una machine di pons e goi. Ancje par chest Iachini, cun realismo che plui furlan no si puès, al varà visât le sô squadre de grande posibiltât di chest scuintri. Ancjè al ritîr al somee vedi fât ben al cjâv di une squadre che no mi è par nuje displasude.

I prin 20 minûs son stâs le fotografie di une partide dulà che l’Udinese no a cirût al domini costant dal balòn (no l’è in te sôs capacitâs), ma dopo une atente difese dal spazi in tal possesso palla da l’aversari, cirive le velocitât e i spazis in te metât di campo viola, tant che al plui impegnât tra i doi purtîrs le stât proprite Tatarusanu, che ben l’à rispuindût a lis conclusions dai zujadôrs di cjase. Al miôr moment di une Udinese brillante e veloce l’à partât al goal da l’un a zero. Bale che jè fate cori sulle fasse sinistre cun le difese viola costrete a une rapide transizion difensive. De Paul si fâs cjatâ libar al limit de aree, e dopo ve ricevude le bale, cun t’une invenzion al cjate Zapata in tal mieç de aree aversarie: tîr de ponte furlane e Udinese che va parsore e anzi, qualchi minût dopo Zapata l’à le ocasion di siarà le partide su di un biel cuintripît, ma al tire in bocje a Tatarusanu. Ma proprite quanc che le atenzion veve di jessi tignude plui alte par difindisi di une probabile rabiose reazion de Fiorentine, le Udinese si mostre impreparade. Al goal da l’1 a 1 l’è nassût su di une azion nancje manovrade, ma su di un spunto personâl di Tello, che in velocitât al salte a l’omp , l’entre in aree e cun masse facilitât al mèt un balòn che Babacar cul tac al sburte in puarte. Doi cuintri cinc, le bale veve di jessi riconquistade.

Lis emozions dal prin timp no son finudis. Le Fiorentine fâs zirà le bale, ma i pericui son ducj pe squadre di Iachini, che cun merit va sul 2 a 1 su une azion che nâs di un corner. Bale di De Paul, Herteaux al tocje, Danilo al segne. Segnai positifs e partide che si met plui che ben pa l’Udin. In tal second timp le squadre di Sousa no par dâ masse problemas a le nestre difese. Ma l’è su di erôr individual che le Udinse e salude i tre pons. Difese schierade, cross in te aree, dulà che son tre i difensôrs cuintri al sol Babacar. Le ponte viola l’è plui svelt di Hadnan, che lu tire par il braç: rigôr e Bernardeschi al fisse al risultât sul 2-2. I gambios no dan gnûv spirit a une partide che in te seconde frazion no regale al spetacûl de prime.

Taticamenti Iachini l’à preferît lassâ fâ girà al balòn a le difese de Fiorentine, e tigni le proprie sqaudre curte curte, a siarà ben i spazios centrai e fâ lâ lis azions aversaris su lis fassis. Une stregie che à ben paiât, ancje parce che pericui par Karnezis no si son viodûs. Une volte recuperade le bale le prime soluzion ere cirì di lâ in denant, cun Perica e Zapata a zujasi l’un cuintri un sui difensôrs. Fondamental De Paul, che l’à mostrât fra lis linis parce che cheste societât lu a partât cun convinzion a Udin. Ancjemô tant l’è di fâ in te gestion dal balon e dai timps. Kums l’è ajar bon in t’une zone dal campo dulà che, a ecezion di Konè, le pore di zujâ al balon je masse. Al belga jè le soluzions par ducj i balons di cui Danilo, Felipe no san ce fâ. Herteaux no l’à fât mal, ma in velocitât si è sintude le mancjance di Widmer. Hadnan rimandât in te fase difensive.

Une Udinese ben metude in campo, ordenade, curte, atente e concentrade à mandât fur ritmo al posès de Fiorentine. Une note negative: lis sostituzions. Peneranda e Thereau an di fâ di plui. Alc si è viodût dal prin, ma di Monsieur Ciryl si pretind di plui. Le impresion jè che le ponte jè lontane de miôr forme fisiche. Sarà interesant viodi se cheste squadre rivarà a meti in difucultât le rivelazion di chest mês, al Sassuolo, che tra l’altri l’à incassât zero pons propite cuintri chel Chievo che l’à vinzût a Udin. Une partide dulà che si podarà viodi se i miglioraments de squadre son destinâs a durà.