#CagliariUdinese Preocupant involuzion

No piês partide podeve viergi le stemane che nus partarà a le fieste pai 120 agns di storie de Udinese: une prestazion no a le altece de storie che si celebrarà in chei dîs, un caratar che nol’à nuje a ce fà cun le identitât che in tal timp à fât cognossi e fât stimâ a tor pe Italie i nestri colôrs. Cualchi segnâl di allarme lu si ere za percepît cuintri al Napoli: le squadre si ere indurmidide in tal second timp, denant Zapata e Thereau vevin decidût di čhapasi une serade di feriis e le difese ere lade palesementi in crisi in tes situazions dulà che plui che le tecniche sarès conventade le personalitât par no čhapà i goi. E alore no jè une sorprese le sconfite di iêr, madurade cuintri une squadre, al Cagliari, umil e plui brave di no a meti in campo lis propris, modestis, qualitâs, ma cun voe e fam, che come cul Napoli ancje iêr no si è viodude de bandis de panchine furlane.

In tal mieç tra lis dos sconfitis le stemane turbolente visude al Bruseschi: al cjapitani, Danilo, che in alenament al entre trist no une, no dòs, ma tre voltis in pocs minûs cuintri tre compagns di squadre. L’è al segno che alc nol va, o in Danilo, o in tai equilibris dal spogliatoio. Del Neri l’à cirût di no dà masse pês a l’episodi, par no creà masse squilibri in tal ambient. Le societât jè restade vonde defilade, cence un intervent fuart. A Cagliari le fasse ere ancjemò sul sô braç. Ma une fasse no fâs al cjapitani, come al talento no fâs un leader, e cheste une Udinese, se no puès permitisi un cjapitani cun le C maiuscole, o une leader come Di Natale, bisugne di undîs zujadôrs che iudin chel dongje di lôr, che sedin undîs leaders in campo, a partì di chei cun plui esperience, a partì di chei che an di fà la diference, Thereau e Zapata par fâ doi noms, ma che čhaminin pal campo. 

In tal balon no vinč le squadre plui fuarte, ma che plui brave, no vinč che che fâs plui tîrs viers le paurte o čhape plui pai, ma le squadre che in tes ocasions impuartantis e met che voe che ti fâs guadagnà un rigôr, rivant sul balòn prime dal purtîr. Al Cagliari l’è stât plui brav di nô, e no parce che l’è plui fuart. L’è quasi ironic che al prin goal l’è rivât su di une disatenzion di un, forsite al sôl, che l’à simpri fât al sô, Karnezis. Čhapât al goal no che le Udinese vedi prodote che grande reazion in tal prin timp. Le formazions ere par 9/11 che metude in campo cuitri Sarri sabide passade. Ali Adnan l’à zujât a sinistre, e le sô prestazion dut jè stade fur che che di un titolâr. In tal mieç l’ere al turno di Jankto che cun Fofana e Kums al forme un trio di centrocampo plui che discret. Denant investe Zapata e Thereau, cun il frêt chel ven jù sul nestri Friûl, pâr stedin land in letargìè. 

IL tal second timp i gambios an provât a dà gnove vivacitât a le manovre. L’è ancje rivât al paregjo, cun Fofana brao a fintà prime al tîr, e dopo a čhatà al cjanton a le diestre di Storari. Ma che Udinese à fât di plui. No contente, si è indurmidide in te azion che à partât al second goal di Sau. L’erôr tecnic di dute le difese l’è evident.Bale scuviarte (ovvero, al zujadôr dal Cagliari che l’à metût le bale che dopo jè stade passade in tal mieç de aree, al cjalave direttamentri le paurte, l’ere sol al podeve pontà direttamentri le difese) e ce fasie le difese? 1. No jè in linee. 2. E ven su 3. E ven su a doi a l’ore 4. Stà a cjalà al cross prime e al colp di tac dopo 5. Nisùn si rabìe.

Chest goal jè le imagine perfete dal moment no biel de squadre. I segnai par preocuppasi son ducj. Del Neri, l’è il moment di meti le to esperience e competence al servizi di chei zujadôrs cence voe e identitât: altri no podìn sperà.