Ancjemô masse domandis, e masse pocjs certezis

Doi pas in denant e tre in daur. Simpri plui domandis, ma ancjemò pocjs certezis. Al sarès stât masse biel jessi a pari cun le Juventus, cun t’un biel 9 in tal spazi dai pons conquistâs. Ma forsite, miôr piardile une partide cumò par stà cui pîs par tiare e rindisi cont che forsite qualchi no buine abitudine o comportament da l’an pasât no son stâs ancjemô dismenteâs. Un prin timp discret e decent, dulà che si partât in tai spogliatoios al miôr risultât cence creâ masse ocasions, cun t’un Zapata che mai come prime l’è rivât a trasformà in oro al prin tîr cuintri le puarte di Sorrentino. Mâl nol sarès che le nestre prime ponte titolar rivàs a migliorà lis percentuals di realizazion. A Napoli, cheste le me impresion, mancul minûs e plui goi, plui voe di dimostrâ al sô valor. A Udin mi par che za da l’altri campionât le sigurece dal puest no vedi iudât al scoring di Zapata. Al sarà fondamentâl, soredût in chest an, che Zapata al fasedi viodi di jessi stât une parentesi impuartante in te storie de Udinese: e migliorà lis propris statistichis -parce che une ponte su chest ven giudicade-  jè le prime robe di fâ.

Si diseve di un prin timp discret, in cui le squadre e Iachini son rivâs a dreçà une partence no brillante e a tignì al risultât cuintri un Chievo di Maran siguramenti plui in forme e in bale de squadre di cjase, e ancje a lâ parsore di un goal.  Ma ecco che proprite in tal second timp le Udinese je quasi sparide dal campo e si è fate meti là, masse dongje a Karnezis, in te proprie aree. Udinese cun do musis? Udinese che in tal moment de veretât va in mil frucions? Udinese cence ambizion? Come simpri un poc di dût. A Rome, in te prime zornade di campionât, le Caporetto jè stade plui evident. Cuintri l’Empoli si è tignût ben al campo e mertât une biele vitorie. Une stemane fa, cuintri al Milan, le vitorie de atenzion e de fortune. Forsite le squadre jè rivade scjariade, cence masse ce dimostrà; magari i zujadôrs an pensât di ve fât za avonde. Ma plui si vinc, plui si partin cjase pons, ecco in chel moment si a di dimostrà di plui; si à di cori di plui, di dâ a l’alenador e ai suportêrs une prestazion tecniche e fisiche simpri miôr di che precedente.

Par cheste reson le partide cul Chievo, une squadre che su le cjarte e à plui de Udinese “dome” le mentalitât (madurade l’an pasât ancje grasie al lavor dal sô alenador), jè di considerà un pas in daur, e le lungece di chest pas sarà confermade de partide di miercui cuintri le Fiorentine. Al seocnd timp di domenie al à metût in clâr i difiets di une squadre che bisugne di ducj par partâ cjase al risultât. No une prestazion splendide di De Paul e Kums e nancje di Thereau, i tre zujadôrs cun plui tecniche, fantasie e imprevidibiltât. Se le Udinese no fâs chel saltût in denant l’è ancje par “colpe” lôr. Si spietisi di plui. Daur ancjemò masse erôrs. Armero si conferme, no in tal ben. Di che altre bande Wague al varà di fâ dismenteà Widmer cun buinis prestazion, e che di domenie no are une di chestis, e savè fâ lis dos fasis. Danilo costant in te discontinuitât, Felipe sufficent. Kums al varès di cjapâ in man le squadre, ma no l’è facil e le Udinese, a ecezion di qualchi zujadôr, e a pore di ve al balon in tai pîs par plui di tre seconds. Hallfredsonn si conferme come un bon zujadôr, che puès dâ un biel contribût a le squadre in costruzion. Coventarà ben plui de partide cul Chievo par salvasi, e in te bande diestre de clasifiche le lote sarà veramentri dure.

Une ultime robe: al prin goal dal Chievo l’ere in tal ajar, ma l’è rivât a 8 minûs de fin de partide. Magari certs moments de partide van gestîs miôr, e quanc che rivaràn partidis plui pesantis al sarà fondamentâl. O ai voe di viodi ce squadre e ce strategie al pensarà Iachini pe Fiorentine, ancjemò lontane de version spetaculâr di un an fa, ma pur simpri plene di talento e organizazion.