Audentes fortuna iuvat

Tabajà di fortune al dî di vuè a podarà sunà fûr lûc. In tai timps dal domini de scienze e de tecnologie, dal calcul perfèt di ogni variabile, le fortune e al câs plui in general no varesin di cjatà puest. Eppur in tes nestris vitis dispès o clamin in cause propite le casualitât, un che di imponderabil e imprevedibil che al vèn fûr dal vignì insieme di fatôrs indipendents, a cui, se positif par nô, dìn al nom di fortune. Al balon l’è ancjemò un ambit de realtât dulà che cence nostalgie o lassìn une part di ce che al puès succedi sul campo all’”arbitrio della sorte”; al fâs part de magie dal balon, de possibilitât che al succededi alc che prime no di podeve dî con sigurece che al sarès succedût, alc di impensât: e a chel pont al gjoldi par une vitorie l’è plui grand e al pierdi par une sconfite plui trist.

Cheste piçule “lezion” podarès jessi aplicade a le partide di domenie a Bergamo: no stoi disìnt che l’è stât al câs o le fortune a fanus vinci, parce che “Audentes fortuna iuvat” al significhe che le fortune rive dulà che l’omp o i events e crein lis condizions pal sô intervènt. E le Udinese cheste vitorie le à cirude, no le à subide come une don vignût ju dal cîl: al prin timp di Karnezis e al second timp di dute le squadre e soredût dai zujadôrs subentrâts son emblematics: al coragjo e le personalitât mostrâs dai nestris son stât premiâs cun tre pons che fasin ben a le clasifiche e al morâl di dût un ambient che l’à di dâ un significât a cheste stagjon.

Al prin timp cussì come che l’ere in tal cjâv di Del Neri al prevedeve siguramentri le grande prove di fuarce e di zûc metude in campo da l’Atalanta. L’undîs da l’alendor furlan ere une mosse claramenti conservative. Compatà le squadre daur le linee dal balon, cirînt le superioritât numeriche daur e l’1 vs 1 in tal mieç, cun le volontât di no lassà campo a lis azions e cumbinazions aversaris. Le difese jè stade che de vitorie cul Bologna, a centrocampo doi zujadôrs plui di pinsîr come Kums e Hallfredsson cun dongje doi plui dinamics, Fofana e Badu. Denant Zapata e Thereau vevin al dificil compit di creà problemas ai difensôrs della Dea. 

Le prime part de partide, come che si diseve, à viodût le dimostrazion de motivazions tecnichis e tattichis par cui le Atalanta chest an stà cussì in alt. Velocitât, zûc, tantis ocasions e zujadôrs che si completin l’un cun l’altri. Se no fos stât par Karnezis, simpri presint quanc che clamât in cause, saresin chi a contà un altre partide. Se le squadre di Gasperini no jè rivade a concretizà le mole di zûc prodòt, le Udinese par cuintri à vût bisugne di une sole vere sortide in te aree aversarie par dà al prin colp a le partide: 0-1 di Zapata e squadris in tai spogliatoios.

L’ere evident che in tal second timp al sarès podût sucedi di dût: l’Udinese che varès cjapât in man le partide? L’Atalanta sarès rivade al paregjo par dopo tentà le goleade? L’è sucedût un pôc di dutis dos lis robis. Al paregjo l’è rivât, ma plui che il segno di une riscosse l’ere al segno di une squadre che veve metût in campo dutis lis fuarcis. E chi, altro che fortune, jè vignude fûr le braure di une Udinese che jè rivade a controlà plui le partide, grasie ancje ai gambios di Del Neri, e a meti in rêt dos balis fondamentals. Prime Fofana, che al cjate goi mai banai, po’ Thereau cun t’un cuintripît trist al pont iust. Le Udinese di chest an jè une continue sorprese: cole rovinosamenti quanc che podarès sovrastà l’aversari, o, come domenie, tire fûr risorsis impensadis. Al divertiment chest an nol mancjarà, sperin za de prosime partide, che de vere conferme e de maturitât, cuintri al Crotone, e le salvece sarà simpri plui le sigurece su cui tornà a costruì alc a le altece de storie recente de squadre.