Čhapâ e puartâ çhase!

Le partite di iêr di Genova ere impuartante par plui di une reson: ere le partite prime de soste pe nazional e l’ere impuartant cjatà un risultât che al varès garantît serenitât a l’ambient, alenadôr e zujadôrs. Allenasi cun t’un pont in te sachete, partât cjase de ultime trasfiarte, jè dute un altre robe che passà dos stemanis cence zujà cun le rabbie di pons lassâs in daur e di une prestazion no a le altece. L’è stât braf Del Neri a caì le partide specie in tal second timp e impostà une squadre difensive e di cuintri-pît in t’une situazion che no permetteve a le Udinese un altri attegiament. L’ere ancje impuartant dà continuitât e costance di risultâs a un ‘filotto’ che in tes ultimis quatri partidis l’à regalât vôt pons a le squadre furlane, cence nancje une sconfitte. No piardi al dà morâl, al permèt di lavorà ben, di respirà positivitât. Par chestis motivazions al giudizi su iêr l’è in tal complès positif, anche se le prestazion tecniche e tattiche podeve jessi diviarse; fondamental l’ere mantignî un equilibri, no colà pericolosamenti dal puint tibetan che nus partarà ai 40 pons prime pussibil.

Le Udinese che veve di meti in dificultât al Genoa di Juric jè someade une de mancul in forme tra ches di Del Neri, merit ancje di une squadre, chê rosso-blu, che à mostrât une organizazion e un affiatament globamenti superiôr a le nestre squadre. Gran contròl da balòn cun t’un 3-4-3 di gasperianina memoria; tante intesitât difensive, aggressivitât e attacs cun tančh zujadôrs su le linee dal balòn, o ancje parsore. Pavoletti no l’è un client facil, come no ere facile di arginà le preparazion offensive su li fassis, dulà che Juric l’à cirût le superioritât. Al Genoa al veve po’ di riscatâ le sconfite dolorose di Bergamo cuintri che Atalanta che jè al moment le machine plui perfete dal nestri campionât. 

Di cuintri al pericul plui grand pe Udinese l’ere chel di sintasi su lis prestazins de partidis precedentis: un paregjo cul Torin al varès podût fa pecjâ l’undis furlan di che pocje presunzion che in t’une partide puès jessi cjastiade in t’un lamp. Le formazion di Del Neri ere pensade in tal clâr intent di no messedà masse lis cjartis, di meti muscui in tal miêç dal campo cu le corse di Badu e Fofana e lassà al tridente denant le responsabilitât di creà pericui. Le biele notizie nus vèn dal prìn goal: finalmentri su le diestre si rive a doprà al potenzial di un talento come Widmer, che ancje zujânt a 4 daur no l’à di rinuncià a sburtà su le fasse di competence, tant che l’assist par Thereau l’è rivât di lì. Thereau, de sô bande, al continue a butale dentri, e cheste jè le constatazion plui biele par un che cheste estât l’à fât penà i furlans cun le posibilitât de sô partence di Udin. 

Denant i goi si contuinin a fà ma ancje a sbalià; Zapata al varà a disposizion le pause par tornà a cjatà che confidence e che precision in tes conclusion che sarès conventade cul Torin e iêr cul Genoa. Daur investe no mancjn i problemas, e si saveve. Forsite Felipe no l’à le etât par podè jessi une garanzie come terzin, tant che i pericui e al stès goal dal paregjo son rivâs proprite de so bande: Del Neri al varà di pensà ad alc par taponà che zone dal campo. Al second timp l’è stât un esempli di inteligenze tattiche: Gigi l’à capît che le partide sarès stade ben dificil di vinci, pe condizion fisiche e pai omps in campo. L’à preferît no pierdile, e cheste jè une robe juste. Vin subît al posès aversari, rischiât plui di qualchi volte, ma ancje grasie a Karnezis l’è rivât al risultât: un altri piçul pàs che, sperìn, al fasarà cressi ancjemò di plui cheste squadre.