Une gnove Udinese su le strade di Empoli: cun t'un jolly in plui..

I sin entrâts il tal mês di Fevrâr e cun lui une gnove Udinese. Siarât al ‘calciomercato’ di Zenâr, le squadre e à viodût jentrâ e lâ vie une vore di zujadôrs. Une scosse e veve di rivâ. Se l’alenadôr, Colantuono, al è simpri in tal sô puest, son partîs chei che proprite, in chêst an, no an partât nuje par fâ chel salt in cui si sperave all’inizi dal campionât. In discussion al centrocampo: un poc al displâs par un zujadôr come Kone, cun t’une tecniche e un pidût invidiabil, lât a cirî fortune a Firenze. Dute un’altre valutazion par Iturra. Mai jentrât in tal cûr dai suportêrs, in campo no l’à dimostrât di vê le qualitâs par zujâ a Udin, e soredût in t’un balòn come chel italian.

Le rivoluzion e are di fâ a centrocampo, e Kuzmanovic e Hallfredsson e podaresin tirâ fûr che esperience e personalitât che no si è viodude infìn cumô. Kuzmanovic al zujât in tal Inter, e al è rivât a Udin dopo le parentesi a Basilea: clâr che dopo vê cognossût al campionât e al balòn de Svizare, al covente un poc di timp e tant impegn e sacrifici in tai alenamènts par tornâ ai livei che ducj si spietin.

Hallfredsson de sô bande al à un pasât al Verone. Magari no chest an -al Verone al siare le clasifiche dal campionât cun 11 ponts,-ma al zujadôr al fât viodi di vê qualchi qualitât. Čampìn, al à un biel lancio, un gran tir e la capacitât di meti ordin in tal campo e il tal züc di une squadre. Al sarà di viodi usgnot, cuintri all’Empoli, se Colantuono lu doprarà insieme a Lodi in tal mieč: doi čampìns ca zuin doncje a son un rischi, ma meti insieme le geometrìe di Lodi e le zujadis in vertical dal gnûv acquist e podarès jessi une gnove e fortunade soluzion par dâ une scosse a un zuc static e prevedibil.

Chel zuc static e prevedibil che si è viodût domenie pasade, in che frede Dacia Arena, che di cjalt e à dome chel public furlàn, che cun sincìr afiet e un gran cûr al è stât dongje de squadre ciuntri le Lazio. No è stade un biele partide, erôrs, ingenuitâts, ma 1 pont lu si è partât cjase. Danilo, che al varès di jessi al difensor cun plui esperience, si è fât parà fûr par dople amonizion. Se si à di salvasi, erôrs come chest a son i prins di no fâ. Pal rest, in une partide no entusiasmante, bisugne ricognossi a le squadre di vê tignût, ancje in dîs.

Di chi, usgnot, si scugne ripartì. Al è ancjemo Fevrâr, tìmp par cjatâ un gnûv equilibri al è. Le cjartis a son stadis mesedadis par da bòn: al stà a Colantuono savê parà fûr de sô cjartis le combinazion par vinci, cun le consapevolece che magari a sì un jolly in the sachete.

Un jolly, cussì o disarès di Balič: o confessi, no lu cognossevi. Incuriosìt, o soi lât a cirî qualchi video; o ai pensât: «Chest al è zujadôr!» Al è zovin, une vore zovìn. L’Udin è a comprât une biele promesse, e starà a le societât no brusale. Cjaveli lunc che al fâs pensâ ad un altri centrocampist, italiàn, tale Andrea Pirlo. Cun Pirlo nol spartîs dome al non, Andrija (Andrea) ma ancje un biel destri, al lancio, une discrete visiòn di zûc.

Cheste alore le gnove Udinese che su le strade di Empoli e cîr di tornâ a une vitorie che mancje di masse timp: zujadôrs diferènts, e, si spere, soredût un gnûv spirit, cence dismenteâ un jolly in plui, al “Pirlo dei Balcani”: ma le realtât le scuviargiarìn usgnot, Empoli, Stadio Castellani, ore 20.45.