Une domenie che no sarà facil dismenteâ

Chê di îr jè stade une domenie di chês di dismenteâ prime possibil, ancje se, si scugne dilu, no si dismentearà cun facilitât. No le dismentearàn chei de Juventus, che an scomençât in tal miôr mût le seconde part dal campionât, cun le decime vitorie in tes ultimis dîs partidis. Numars che fasin pôre, soredût se parâs dongje de prestazions de Udinese, une squadre cumô come mai sigure dome se sôs debolecis, puare di zûc e ahimè, e in te ultime partide a si è viodût, di anime e vôe di tigni simpri al cjâf alt.

Cheste domenie no si dismentearà: no le dismentearàn i nestris zujadôrs, no le dismentearà al paron Pozzo, no le dismentearàn i furlans, chei in tal stadi (e no sai proprite cemût clamalu) e ducj chei che an vût l’afiet di cjalà le partide infìn dall’ultim minût, in te ostarie o cjase denant de televisiòn.

E veve di jessi une zornade di fieste: fa fieste pal gnûv stadi, par une citât, Udin, che sedi di esempli in dute Italie par il sô proget di une societât, di un balon, di une culture sportive gnove, diferente, leade cun le tiare che le à viodude naši. Îr di sere bièl che distirât e piade le televisiòn, cjalavi La Domenica Sportiva, par scoltâ i comènts a le partide e cirî di intindi ce che fûr dal Friûl la int e pense dal risultât impuartant dal stadi di proprietât. Tantis bielis peraulis, tantis ideis, une interviste a Pozzo, che al à ricognošût cun une vore di sinceritât e sperançe (mi ven vôe di crodi, ma no sai se le veretât sedi cheste) che al gnûv stadi al à di jessi l’inizi par une squadre di province che ambîs a vê qualchi impuartant risultât. Dût biel e just: ma le realtât e tabâe par lui: Dacia Arena, chest al non che si podeve lei su Sky o sui zornâi di vuê (chei nazionai, i nestris sinceramentri no savarês). Le veretât a è ca jè une grande distance tra ce che si dîs e le realtât di une politiche no societarie, ma di une aziende. Trê squadris a tôr pe Europe, bêčs che rivin e ca si produsin. L’interès economic le à vude vinte.

Le robe plui grave, par me, a no è dome vê taponât “Stadio Friuli” cun t’un “marchio commerciale”. Le gnô plui grande pore a jè un’altre: rivâ a pensà ad une Udinese, e alore ad un stadi, simpri mancul leât al Friûl. Prime a si veve al Moretti. Ma le bire Moretti a ere un simbul de citât, un risultât de grandeçe de nestre piçule Patrie. In une Europe dulà che pe immigrazion al torne fûr al problema dai confìns (de nestre identitât), mi auguri che une societât no dismenteàs al debit di ricognošince cun la int furlane, cun la nestre tiere.  

Dêt chest sul stadi, tabajà de partide al’è ancje di mase. Zujade in t’un clima sureâl: zujadôrs de Udinese che pensin di zuja in cjase, ma ai goi de Juventus une vore di int e fâs fieste. Dificil drezâ une partide cussì, sôt di tre goi dopo 25 minûts par colpe di erôrs che no si podin fâ, soredût se denant tu as un cun t’un pidût come chel di Dybala. Le partidis dulà fâ tre ponts no son cuintri squadris cussì organizadis. A si scugne però parà su al cjâf e salvasi prime che si pô.

Par concludi: Une partide pierdude, ancje par 0-4? Va bèn, si fâs miôr in te prosime. Furlans che tegnin pe Juventus? Al displâs.. Ma une Udinese cence Friûl no si podarès dismenteâ o ancje dome rivâ a imaginâ.