Udinese-Verona: un lamp di soreli in te frede ploe dal Friûl

Partide veramentri impuartante, che zujade cuintri al Verone. Sót di une ploe lisere ma compate e continue, chei novante minûts erin fondamentai par imaginâ se al rest dal campionât de Udinese al sarès stât in tal segno de tampieste o se forsite, dopo le ploe di vuê, al varès viodût qualchi lamp di soreli. A Udin e jè rivade le squadre che siare le clasifiche de Serie A, suportade da un grant numar di personis, che àn jemplât une buine porzion del curve sud e àn sberlât e cjantât dal principi a le fin. Di che atre bande une biele rapresentance di furlans che no àn fát mancjâ al lor afiêt. Al sarà stât ancje frêt, ma in tal stadio Friuli a ere une plasevule atmosfere.

E, par une buine volte, le squadre di cjase e à cjapât coragjo e scomençât a tignî al control dal zûc.
Al 4-3-3 di Colantuono nol sarà stât une perfezion di moviments e tattiche come in te squadris di Guardiola, ma si è monstrât une soluzion eficaç e vonde equilibrade. No mal Guilherme, al plui bas dai tre centrocampist, ancje se di lui si spietisi qualchi erôr di mancul, soredût in te precision dai passagjos. Kuzmanovic a si sbasave dispès tra il Felipe e Ali Adnan, a cirí di viargi i spazios, e al zujave balis plui curtis lì in tal mieç. Di che atre bande Badu no si è fermât mai, brao a lâ in tai spazios daur dal terzin dal Verone e de difese ospite. Bruno Fernandes cu le sô tecniche al á dât equilibri e sigurece su le destre, in t’un ruolo che no l’è al sô, ma che a l’è stât interpretât cun personalitât.  Thereau, de bande čhampe, su le fasse, al á fate mancul confusion in tal mieç e si è podût zujâ l’1 vs 1 cence problemas.

Ma al zujadôr che al’á dât plui equilibri e compatece a cjeste gnove squadre al’è cence dubios Di Natale. Zujânt come un ‘falso nueve’, al ere simpri brao a dâ un sostegno a le azion, a fasi passâ le bale par dopo pojasi viargijt spazios daur di sè. Al miôr moment de Udinese, no par câs, al’è stât al prin timp, quanc che al capitani al’á točhât plui balons. E al goal di Badu al è vignût fûr propite pai soi moviments. Mi par di viodi che di Natale al dâ a le squadre che l’equilibri lâ denant che cun Zapata non si viôt. Tra une robe e che altre al è di dî che le ponte colombiane, entrade in tal second timp, al someave zujâ cence voe.

Vitorie che jè stade mertade de squadre furlane. Al Verone al ere avonde in dificultât, e nol rivave a creâ plui di tant. Di chestis dos squadris une e larà in serie B, e cjalant le partide mi ven di dî che che squadre no puès jessi le Udinese, pal zûc e pe complesive superioritât tecniche. 
Rivâts a chest pont, e cun chei pons in clasifiche che si á, tre vitoris e varesin di parâ vie ogni pore e serie B, e le prestazion di iêr e dâ al Friûl plui di une sperance. Al Verone no l’è al Bologne, nè al Napoli, ma cun l’equilibri di iêr e ancjemo plui atenzion, le squadre di Colantuono e puès zujase cun plui di metât de squadris de Serie A, e partâ in somp cun dignitât chest campionât, che al’è stât, e si scugne dilu za cumó, no a le altece des ambizions de societât, de stesse squadre e dal public furlan. 

Čhâf al prosim impegn, a Frosinone, dulà che si podìn partâ čhase pons fondamentai. Sperìn di viodi le stesse squadre, in tal zûc e in te mentalitât. In partidis come che ciuntri al Verone e al Frosinone le Udinese e à di fâ viodi di sedi maturade. Le vitorie di iêr e sará stade une biele vitorie dome se al rivarà al risultât cuintri le squadre di Stellone.