Udinese-Bologna: "La fortuna aiuta gli audaci"

Une Udinese biele ma sfortunade? Biele no pensi, sfortunade trop che si ûl. E si podarès meti in archivi le partide di îr dome con chestis dos peraulis: no masse biele, ma sfortunade… ma la realtât di cheste squadre e dal campionât a jè une vore plui complesse. Par cirî di vignì fùr  di situazions come chestis, nol bastarà a Colantuono dî ai sôi zujadôrs che jè dome colpe de sfortune, che moralmentri le Udinese le à vinzude le partide ciuntri al Bologna. Biel o brut ch’al sedi, in tal balon e parte čhase tre pons le formazion che e rive a fâ un goal di plui di che atre, e le Udinese, soredût in tes ultimis partidis, e segne mancul di ogni squadre de Serie A, e le statistichis a no son, ahimè, un prodot de fortune o de sfortune cjatade une domenie.

«La fortuna aiuta gli audaci». Provìn a meti Juventus o Napoli al puèst de Udinese in une partide come che di îr. Ancje cjapant doi o tre pai, le varesìn probabilmenti vinzude, ma no dome par vie di zujadôrs plui braos, o une mentalitât differente. No, che partide squadris cussì –e si podarès meti dongje Roma e Fiorentina- le varesìn vinzude parce che e produsin une quantitât di zûc e di balis impuartantis par segnâ che jè cinc voltis che de Udinese. Le fortune e jude chêi che se vàn a cirî, no chêi che le cirin une domenie sì e tre no, ma simpri, e in virtût dal lor zûc.

Alore a no jè question di une domenie, a no son dome episodios. Picjasi a le sfortune al covente a poc, anzi nie. Un goal al varès di jessi come l’acuto final di une biele canzon; ma se le musiche e lis peraulis che a son vignudis prime no son in armonie? Ecco, le Udinese e ûl fâ maraveis in tai finai de sôs canzons ma cence une biele musiche daur. Al Bologne, par cuintri, al à mostrât plui armonie, in tai moviments, cul balon in tai pîs. Le Udinese no à geometrie, e cîr al goal plui cun balis butadis là, che cun une azion dulà che ducj i zujadôrs e točhin le bale in velocitât.

E no jè une stranece che proprite cun di Natale, in tal ultim quart di ore de partide, le squadre e rivave a attacà cun plui efficacitât. Di Natale al corarà poc, nol varà al pas di une volte, ma îr al à dât une biele lezion di moviments a ches altris pontis. Colantuono al varès di pensâ plui al zûc, parce che cul catenaccio si difindisi sì, qualchi volte si vincin le partidis, ma per gambiâ direzion e covente un altre organizazion.

Esam impuartant al sarà chel cul Genoa, in un campo par nie facil, cuintri une squadre che come le Udinese e scugne vinci. Che si crodedi o no a le fortune, al covente lâ a cirìle, creâ lis condizions, cun le consapevolece che un Scudet o une salvece, al 90% des voltis, no son altri che le rispueste che ven dal campo.