Salvece! Ma di fieste no si puès tabajâ

Salvece. Peraule che cumô si puès dî cence pore, ma ančhe cun le bočhe amare, dopo un campionât che al’è cun buine probabilitât un di chei che a Udin no si viodevin di agns. No coventarès nančhe festegjâ chest risultât. Al’è pôc ce jessi contents. Lis aspettativis arin altris all’inizi. Le buine partence veve fât sperâ ančhe masse. Le seconde part dal campionât nus á partât a le desolante realtât di une squadre cun masse limis.

E alore o dîs grasie a De Canio che l’á regalât al popul furlan le certeze a une zornade de fin di podê stâ in Serie A ančhe l’an ch’al ven. Forsite le uniche scelte juste de societât jè stade gambiâ alenador. Lu si varès fât une o dòs zornadis dopo magari si sarès ančhemô a lottâ pe salvece in te ultime partide cuintri al Carpi. 

Ma pôc val tabajâ cui se e cui ma. In daur no si puès tornâ. Čhalâ in denant, e no fâ i stes erôrs di chest àn. Spindi in t’un progèt tecnic di valor, fât di alenador e zujadôrs che valin. Ducj varán di fâ un biel esamùt di coscince, de societât, a chel che al’à seguît al mercato, ai zujadôrs che no àn monstrât nančhe in te voe oltre che pai pîs di mertâ le Serie A. Pocs di lôr saresin confermâs ančhe pal  prosim an. Plui talians, magari qualchi furlan, e int che tignedi a le mae.

No covente spindi masse peraulis pe partide di iêr di Bergamo. Atalanta za salve, cun čhapitani  Bellini che al disputave le ultime partide cun che mae che par quasi vincj agns no à mai lassât. Clima di fieste, dulà che le Udinese grasie a un scialbo ma prevedibil 1-1 à partât le salvece sul pullman par Udin par vie de sconfitte dal Carpi cun le Lazio. Udinese a 39 pons, e daur Palermo e Carpi che si zuarán le massime serie domenie di sere. Palermo in čhase cul Verone, e Carpi propite a Udin, cuintri une squadre che vará di fasi perdonâ dai suportêrs lis vergognosis prestazions che non une, ma plui voltis á fât viodi in tal stadio gnûv.

A chel pont sarà al timp de rifondazion, che si spere no restarà dome sui gjornai o su lis bočhis dai dirigents, ma sedi une volte par simpri le realtât che al popul furlan al merte plui di ducj.