Frosinone-Udinese: une robe vergognosissime

Dût une atre volte in discusion: alenador, zujadôrs, societât. Cheste le uniche sigurece che le Udinese e parte in Friûl dopo le disastrose trafiarte di Frosinone: une robe vergognosissime, e veramentri, se nus varesin contât che sarès stade cheste le situazion de squadre furlane poc prime di Pasche, qualchi mês fa o varesin fât une biele ridade; vuê, altroché ridi, al’è dome di vê le sperance di no vaî ca di qualchi mês, parce che le nestre squadre e podarès jessi in serie B.

Tancj ains che a Udin no si nomenave le peraule salvece: certo, a si diseve all’inizi dall’an che al prin obietiv al’ere salvasi, ma al potenzial de squadris dai ultims dîs ains al’ere di un’atri mond. Chest an, par contrari, salvece no jè une peraule lontane, fumose,...Le peraule salvece e varès di  fâ vignî al pel dret a dute le squadre, proprite parce che mai come chest an al pericul di podê lâ jû al’è plui grant che mai. Ma le prime robe che fâs mal e jè che plui di qualchi zujadôr al par indiferent, insensibil.  Al mančhe amôr pe mae, sacrifici, e i prins a savelu e son propite chei che le domenie e van in campo..

A cheste ore si varès vût di tabajâ di une squadre maturade, che vincint e á scrît un capitul impurtant de storie problematiche di chest an. Si varès tabajât dall’equilibri tatic finalmentri čhatât, dai goi des pontis e dal biel lavôr de difese. O magari si varès scrît di une squadre che a dât dût ma che no jè rivade a parta čhase risultâts; e alore jû a coregi erôrs, moviments...

Par dile in t’une espresion, si varès tabajât di balon: parce che le robe vergognosissime a jè che quasi ogni lunis a si è chi no a scrivi di goi o prestazions, ma a meti in discusion une metalitât, une tristerie in tes partidis che no si viôt quasi mai. Al public furlan al’à di jessi stûf di vê simpri  a ce dî su le morbidece di cheste squadre, de incapacitât di tirâ fûr alch di pui, di fâ chel salt mental, al zûc al ven dopo. O sìn stracs di tabajâ masse dispès de anime inesistente di cheste Udinese.

Iêr al Frosinone al someave une squadre ben plui ‘squadre’ de nestre. Simpri prins sul balon, e arin concentrâts, dal principi a le fin de partide. Le Udinese al čhâf lu veve forsite lassât in albergo, come masse voltis chest an. No jè stade reazion, un ‘monologo ciociaro’ che al’à metût a tasè le squadre furlane. In pocs a si salvin, quasi nissun. 

Le strade a si fâs cumô plui dificile che mai. Le salvece jè lassù, sul mont, e le squadre e á di fâ sacrifici par podê rivâ insomp; al sintîr al’è plui in salide che mai, cun une vore di partidis che sará quasi impusibil vinci: Napoli, Roma , Fiorentina..e alore parcè no doprâ chestis ocasions par madurâ che tristerie e fuarce che coventará in tes partidis cuintri le piçulis? Fuarce Udin, intant salvinsi, al dopo si pensará, ducj insieme, unîts come mai.