Friûl '76: memorie e sperance cuarante agns dopo

Cuarante agns, quasi mieg secul al’è passât da chel 6 di Mai dal ’76. Passe al timp, ma al ricuârt, lis imaginis, lis emozions di chel dì sventurât stan simpri lì, cun le lor presince, denant dai voi di chei che àn viodût colâ lis lor čhasis,disfasi in t’un moment al lavôr di une vite. Al dure pôc un taramot, relativamentri pôc. Qualchi minût, che al somêe no finî plui. Qualchi minût che al trasforme in clas secui di storie, di storis di vite. 

Pocs minûts che dût in t’un moment àn partât al Friûl, cussì piçul, cussì lontan dal centro de vite de nazion, denant dai voi e su le bočhe dai italians e no dome. Un piçul cjanton di mond che cun orgoglio al’á alzât  il čhâf, par fâ viodi ce che al’è un popul, ce che jè une storie, ce che jè une tiare.

Al nestri pinsîr scugne là a ches mil personis che àn pierdût la vite in che volte. Prime scosse in tal Mai e le ultime impuartante qualchi mês dopo, in Setembar. Une estât di pore che no à fermât la int. Cence masse vaî e cun grand impegn di ducj, si è scomenzade le ricostruzion, in t’un spirt di union che al tignive insieme frutins e večhos, contadins e esponents de politiche. 

Son coventâts dís agns par tornâ a fâ su i paîs, lis glesis. Par rimeti ordin in tal caos dal taramot. Si veve lis ideis bielis claris: prime lis fabrichis, po’ lis čhasis e par ultim lis glesis: i simbui de vite de int furlane, fate di lavôr, famee e religion. Ferme are le int in te volontât di fâ su dût propite come che al’ere prime dal taremot, plere par plere, par no dismenteâ le proprie storie, che čhasis fatis su in tal passât. Tornâ a jessi parons de proprie tiare, a sintisi a čhase dopo che le stese tiare veve robât quasi dût.

Forsite mai come che volte si sìn sintûs tant furlans. Mai come che volte si à dât testimoniance dal spirt dal nestri popul. Popul che a une tragedie al’à rispuindût con identitât, dignitât e sperance. Fa memorie di chel taramot al’è visasi di che int e visasi di che int al’è rindi presinte une volte di plui che grande sperance di riscât, fale nestre.