Cure De Canio: che sedi le medisine juste?

E saresìn tantis lis robis che al coventarès dî dopo le stemane pasade. Ma par une volte le uniche robe di cui si varès voe di scrivi, la prestazion in tal campo,  merte bielis peraulis. Rivât De Canio a partâ alc di niûf in tal ambient furlan si spietave dome le reazion e le rispueste de squadre, che a sô mût e jè rivade, ancje se dome par un’ore di zûc. Dopo de zornadis di turbolencis in te decision di mandâ cjase Colantuono no are par nuje facil pensâ di lâ a Sassuolo cuintri une squadre di personalitât che jè forsite le miôr rivelazion di chest campionât, e fâ risultât cun le sensazion che si podeve ancje partâ in Friûl tre ponts, e no un. 

Impuartant al’ere soredût, pai zujadôrs, fâ viodi di vê ancjemo alc dentri, di čhatâ che vôe e personalitât par rivâ in somp e parsore di che altris squadris che lotin pe salvece. Se dopo le partide disastrose cun le Rome no si podeve che colâ in te disperazion, dopo le trasfiarte di Sassuolo o podin tornâ a cjalâ in denant cun sperance. Le Udinese jè vive e le sô sorte jè ancjemò in te sôs mans; fâ ponts, ancje un a le volte cun qualchi vitorie in tal mieç, ma cirî continuât di prestazions e risultâts. Čhatâ une identitât e partale in denant. Magari proprite in chest De Canio al savará jessi  un pari pai sôi zujadôrs plui di Colantuono, forsite masse in pinsir pe tattiche ma no masse bon in tal scoltâ e meti i sôi omps in tes condizions di rindi.

Cheste le reson che mi fâs ben sperâ pes prosimis partidis, al di là di 4-2-4 o 4-3-3 o 5-7-1...
Calme peró, si à dome pareggjât une partide, spietìn par čhantâ le salvece. Si pués dî che le impression jè di ches positivis e che magari chest alenador al rivarà a dâ che sigurece che jè mancjade infin cumò. Che sigurece che pués fa vinci al difensôr l’un cuintri un all’ultim minût de partide sul risultât di 1-0 par nô; che sigurece che fâs fâ le zujade dificile al centrocampist par dismovi une partide ostiche, che sigurece che covente a Zapata par fâ qualchi golut in plui, e magari ancje decisiv. 

Come che si é  dispès dêt dopo le partide di Sassuolo le Udinese  jè ancjemò malade. Dopo une vore di mês cun t’une medisine che no á partât risultât, le cure De Canio e varà bisugne di timp par fâ efiêt in tal lunc timp, in ches partidis che separin de fin dal campionât. Domenie le cure someave jessi che juste. 

De Canio al’á metût in campo un ordenât 3-5-2, une formazion tipo, cun qualitât e corse in tal mieç e potenze fisiche denant. Azions semplicis ma eficacis, come che dal goal di Zapata, che al fâs mal se al stâ dulá che al varès di stâ, in te aree di rigore plui dongje pussibil de puarte. Un pôc di tristerie in plui e si podeve jessi 0-2 cun gran part dal second timp di zujâ; ma sul 0-2 chel Sassuolo nol sarès rivât a drezâ le partide. 

Tigninsi bon al pont di domenie, al podarès coventâ al momènt oportun. Čhâf al Napoli, le piês partide che podeve colâ in chest period di convalescence. Ma forsite propite le partide cun le seconde fuarce dal nestri campionât nus disará alc di plui su cemût che o varìn di vivi chest final di an: cul cûr simpri in man, cul grop in gole, o cun le sigurece di podê figurâ ancje al prosim setembar in tal prin campionât d’Italie.