L'Udin al par vedi brusât tal fûc dal sô pignarul lis poris

In tal frêt dal dì de befane, al Udin scomençe al gnûv an come caveve finût chel vecjo: puartânt cjase tre ponts, dopo une partidezujade discretamentri, cun cjaf e cûr, in tun stadio ca fas invidie a dute Italie e che cumò al spiete dome le Juventus par jemplâsi par da bon.

Al 6 di Zenar al è al dì dal pignarûl, come te mior tradizion furlane: e l’Udin al par vedi brusât tal fûc dal sô pignarul lis poris e li grandis dificultâts fatis viodi tai prins tre mês di chestcampionât. E se cjalandt al fum o podìn inmaginâ un timp ventûrbon o trist, le partide di vuê no pues che fa ridi e ben sperâ i suportêrs de squadre dal cjâf-luc furlan. 

Se mancul di un mês fa, in te partide cun l’Inter, l’Udin al veve fatviodi le possibilitat di fa zûc, di creà balis pericolosis par segnà, ma soredût une impuartant flaperie in difese, cun quatri goiregalâs par vie di erôrs come chei che fasin i frutìns, le vitorie di vuê e à mostrât un biel pas in denant in te mentalitât, in te voe di segnà e di puartâ cjase al risultât. Tal balòn al è impuartant savêjessi trists, e l’Udin cuintri Torìn e Atalanta e à savût  deventâtriste, cul doprâ al mior lis ocasions e cul difindi le proprie puarteducj insieme, da lis pontis Perica e Thereau ai difensors. 

Dal principi dal campionât le squadre di Colantuono e à fat un saltdi qualitât, in tal zujà le bale ma ancje mental. Si puès vê i zujadôrs cui mior pîs, ma se no si alene le voe e le pasiòn al risultât al sarà compagn di chel de primis partidis. Le squadre e à lavorat, e si viôt. L’Udin cumò e zue come une squadre, i sôizujadors e cirin di movisi pui in armonie. Par che vedi une anime, une anime che covente par sufrî, par jevà su quanc che si cole e par savê vinci cun tristerie.

Le storie di chest campionât a è dûte di scrivi, e i tre ponts di vuêa son fondamentai par salvasi prime che si pò. Al lavor di fâ al è tant, i difiets no mančhîn, ma al Udin al è su le strade juste par cjatà une sô identitât. L’atac che un pâr di mês fa no rivave a butale dentri, al à cjatât un sô equilibri, cun do pontis di moviment, ca corin e a van in profonditât. Brao Perica, ca l’à savût spietà al sô moment, e cumò planc planc al segne e si cjapel’aplaus dal Friuli. Al è lui al simbul de transformazion de squadre. Impegn, sacrifizi e cûr.