Se si varès di dî in dós peraulis ce Udinese stin cjalânt di domenie in domenie si podarès doprà cheste espresión: una squadre vive, ma cun qualchi important difièt di strutture. Una squadre cin qualchi zujadôr impuartant e veramentri di prospettive, e qualchidun’altri che no l’è a le altece di une squadre e une societât, le Udinese, di ambizions ben plui grandis di un campionât in tal mieç de clasifiche. Cheste si sta confermânt une stagjôn di transizion, dulá che si puès za imaginâ le squadre che nus spietará in tal futûr, ma ancje pensâ che al sarà necessari tajá i rams secs e partá qualchi zujadôr par sore de medie che al podedi fâ le diference.

La partide di domenie cul Torin jè l’emblema di une squadre che cun impegn e un pôc di fortune stave par fâ risultât su di un campo dulá che quasi nisun l'ere rivât a čhapâ i tre pons, ma che a le fin á scugnût cedi a le qualitât e a le produzion offensive da l’aversari, che jè stade certamenti superiôr. Le formazion di Delneri à mostrât di no ve la capacitât di difindi doi goi cuintri un aversari di prin livèl, e di no rivá a tigní le rabie granata. Une question di tattiche? Une question di personalitât in dutis lis zonis dal campo. Soredût in difese mancjin zujadôr che portedin sigirece al zujá di dute le squadre. Se jè une fase dulá che le Udinese fâs dificultât jè che di impostá le azion direttamenti dai difensôr. I omps di Delneri son chei che an metût dongje plui balis lungjs di ogni squadre dal campionât, e une des piês percentuals di eficace dai passagjos.

Al prosin Setembar, cun o cence l’alenador di Aquilee si tornará a partí di chest pont: di une squadre cun ogni evidence plui fuarte di che da l’an passât ma che bisugne di une rifondazion tattiche e tecniche. Une squadre cun zujadôrs cun motivazions e ambizion, e cun daur squadris impuartantis. Cheste piçule rivoluzion vará di partî de difese, le uniche part de squadre che bisugne di sostituzions di livèl. A centrocampo un talent cui pîs e cun buone corse al vará di meti che fantasie che mancje come al pan. Denant, quanc che si capirà al destin di Zapata si fasarán lis dovudis valutazions.

Di chest campionât son ancje vignudis fûr de certezis che sarès stupid lassà lâ vie. Al sisteme dai talent scout de societât furlane al dá segnai di vite: Fofana, Samir, Jankto, De Paul son lis rivelazions positivis de stagjon. Al sarès biel rivà a creà un contest tattic dulá che al lôr talent podedi esprimisi al plui alt livèl. Pensi soredût a Jankto, un dai plui zovins che peró a ogni partide impuartante al met le sô firme. Al plui grand pecjât sarès vendilu dopo dome un an.
Par concludi, une considerazion sui portîrs: cuintri al Torin si è tornât a viodi un bon Scuffet, in crescite dopo le esperince disastrose da l’an passât. Cun t’un Scuffet che si conferme, che sedi ricade le ore par Karnezis di lassâ al Friûl? Le question si fâs ancjemó plui interessante se si pense che a le fin dal campionât al tornarà dal prestit un cert Meret: tre boins purtîrs par un puest. Le prospetivis par une Udinese zovine e fuarte son dutis: che le societât fasedi al rest.

Sezione: Blanc & Neri / Data: Ven 07 aprile 2017 alle 18:00
Autore: Tommaso Nin
vedi letture
Print