Une prestazion cence motivazions e cence le voe di vinci e provà a rompi le maledizion dal Franchi di Firenze. Une disfate: son vôt partidis che l’Udinese no rive a partà fûr un pont dal campo dai Viola. Dopo i doi biei risultâs e i quatri pons cuintri un Milan di Montella in micro-crisi e al Chievo di Maran, jè rivade un iuste sconfite sul campo, conseguence di une prestazion insuficiente e che fâs pensà a lis ambizions e ancje a lis qualitâs di cheste Udinese. Delneri l’à metût in campo i soi omps cul solit 4-3-3, cun Hallfredsson metronomo a metât campo e al trio Thereau-Zapata-De Paul a meti in pinsîr le difese a tre di Sousa.

Dopo une prime fase di partide dulà che lis squadris si son studiadis, le Fiorentina cul passà dal timp à čhapât lis misuris de zujadis de Udinese, che faseve girà le bale cun grande dificultât, e che sot de ordenade presion de pontis viola cirive cun qualchi lancio veramenti improbabil al dinamic ma incocludent Zapata. Lis unichis ocasions de partide pai furlans son rivadis su invenzions dai singui: al scambio tra De Paul e Widmer, che l’à partât al terzin denant de puarte aversarie cence però rivà a produsi une conclusion degne dai colôrs ch’al difind, e al tîr di čhav di Zapata in tal second timp dopo un serpentine e un cross delizios da l’argentin. 

Al rest de partide l’è stade sot dal segno dal posès Viola. Le squadre di cjase à metût in mostre un plèn control dal balòn e dai spazios, cun le Udinese che à di tornà a pensà le sô fase difensive. I zuajdôrs di Delneri erin simpri a metât strade, e al centrocampo aversari, Badelj, Vecino Bernardeschi e Borja Valero movevin le bale cun ritmo e facilitât cence čhatà une vere opposizion. 60-40 al posès di bale, cun le Fiorentine che à registrât une efficenze dal 89% in tai passagjos. Al goal di Borja Valero l’è emblematic de incapacitât dai centrocampist di Delneri di sierà i spazios fra lis lineis e no fà chel passagjo par Bernardeschi di cui al sarès nassût al goal. 

A centrocampo l’unic che si podarès salvà l’è Hallfredsson, cun Fofana che al zue un balòn dût sô e Jankto che no l’à čhatât lis distanzis iustis in tal campo. Denant ducj an fât masse pôc. Le prestazion piês? Che di Thereau: al francês a côr pôc e mal, e sabide lis sieltis in tai ultims metros son stadis sbaliadis. Le impresion jè che al numar 77 qualchi volte nol vedi propite voe di zujà e par nestre sfortune gambios a le altece no son.

Cuintri une Fiorentina che si è difindude cul posès di bale, son vignûs fûr i limîs di une Udinese che fâs dificultât a segnà a une squadre precise e disciplinade. Al sô zûc l’è prevedibil e no l’è un câs se le compagine furlane jè le formazion cul posès medio plui bas di dût al campionât. Come a dî che lis sgropadis e le fisicitât di Fofana, Zapata and CO a pôc e coventin cuintri une formazion organizade e di alte clasifiche. E sì che però l’Inter veve vût ce sudà par vinci a Udin. E alore sperin che l’aiar di čhase fasedi ben ai zujadôrs, e che cuintri al Sassuolo, oltre che al risultât e al trionfo di Zico, al public furlan podedi viodi alc di plui de desolazion di Firenze.

Sezione: Blanc & Neri / Data: Mar 14 febbraio 2017 alle 16:30
Autore: Tommaso Nin
vedi letture
Print