Fâ viodi che al ultim campionât l’è stât un episodi fur dall’ordinari. Monstrâ a le int ce che al’è al spirit de Udinese, e che a Udin si puès tornâ a gjoldisi dal biel balon, cun t’une squadre che divertis, in t’un stadio tra i pui biei in Italie. Chest l’obietif dichiarât de societât, che à cirût di dà un segnâl impurtant in cheste direzion: i zujadôrs comprâs, l’alenador che le dirigenze à partât in chel dal Friuli, le voe di messedà lis cjartis, par tornâ a jessi competitifs e stà in te bande čampe de clasifiche.

Umiltât, tant lavôr, tant sacrifici, cori e fâ cori al balon; chest l’identikit dal gnûv alenador Iachini. Beppe Iachini: un che a Palermo al’à fât plui che ben; al’à metût in mostre zovins come Vasquez, chest’an al Siviglia, e Dybala, che ancje grasie a le sô scuele son diventâs zujadôrs di prin livel in Europe. L’è rivât a convivi cun l’esplosif Zamparini, a dî dal caratar e de personalitât dal nestri gnûv alenador. Un mix di un che sà come cjapâ le squadre, al’è bon di fâ cressi i zovins e tirâ fûr al miôr dai zujadôrs che le societât e à metût a disposizion.

Tantis lis operazions dal Ds Bonato, le cui entrade in societât fasarès ben sperà, par vie dai zujadôrs che al’à partât in Friûl. De Paul, veramentri un biel numar 10; gran pît, inteligenze e voi par meti al balon iust pe pontis. Un che al ven dal campionât spagnul, al miôr in Europe -a me dî- e che al varà di fâ pesà le esperience maturade a Valencia. Di grande prospettive ancje Peneranda. Grand fantasie e zujadis di classe che fasaràn ben a le economie di une squadre che l’an passat al plui grant deficit lu veve propite in tai ultims 30 metros. In difese investe Angella al par un bon acquist, a dâ un pôc di ordin a une difese che in tal passât campionât masse dispès disorientade. Fofana si viodarà se al sarà a le altece de Serie A. Mi plasarès che si compredi un biel regist, di meti tal mieç, che al vedi personalitât ed esperience.

Par cumô i risultâs de partidis no saràn stâts esaltans, ma l’impuartant al sarà rivâ pronts al 20 di avost in chel di Rome. Intant spazi alla Coppa Italia, cuintri un La Spezia che al sarà une biele prove par cheste Udinese in costruzion, cun le sperance di gjoldi chest an al dopli des lagrimis vaiudis l’an passât.

Fuarce Udinese e bon balon a ducj!

Sezione: Blanc & Neri / Data: Ven 12 agosto 2016 alle 11:00
Autore: Tommaso Nin
vedi letture
Print